thriXt Qantasy 純文字安眠之作 (New: - U2K - 一直上架): K88

我：「運貨…又重又大件嘅？」
Q：「少少咁啦，可能同包大米差唔多。」
我：「我琴日先同阿健打咗三粒鐘乒乓波，隻手…」
Q：「咁咪啱囉，再操多啲，唔可以輸俾阿健㗎嘛。」
我：「只係一包大米，都OK嘅…」講就講得好聽，有邊個人係會真心想做苦工㗎喎，不過阿健體能有進步係事實。
Q：「無得你揀呀，跟我出門口啦。」同啅仔唔同，跟我出街嗰陣佢會casual好多，但都會搽下唇膏，好心情就畫條眼線，一般嚟講十分鐘就會出到門口。
今日嘅佢好似好有目的，一落到去就捉住我搭地鐵，話咁快嚟到奧運站落車出閘。
我：「呢度Yvonne地頭嚟喎，唔驚咩？」
Q：「乜呀，佢去咗旅行呀！」
我：「係咩，唔知喎。」我當然扮唔知，就算QQ有提過我都扮唔記得，因為我同呢個女人零關係。




屌，但我又好掛住佢個閪…明明唔係鍾意人，都唔明生到咁鹹濕做乜，會對個黑森林有興趣。
我：「假設佢無去旅行，真係俾佢撞到點算？」
Q：「簡單啦，我話你幫手做牛做馬做雞做鴨都得，而且係事實我唔係呃佢喎。」呢大半年嚟我同佢喺學校熟咗好多，基本上已經係最埋到佢身嘅男同學，一齊出街都算係合理嘅，而且QQ都好似越嚟越化。
我：「係？做鴨我OK喎，有乜可以服務到妳？」
Q：「倒貼一球畀我先，然後先諗下需要乜服務。」
我：「…」言下之意，只要我有一百萬佢就肯做雞畀我玩，但可能重要選擇性提供服務。咁其實佢一早講過可以有限度肉償我嘅，只係我邊捨得咁對佢。
因為我唔會放棄嗰渺茫嘅令佢鍾意自己嘅機會。
話咁快佢帶我嚟到奧運站隔籬嘅一個公共屋邨樓下嘅順豐高智能櫃…原來係包裹咋，可以有幾重要勞煩我一齊嚟運貨，唔通係一磚二磚高純度海洛…雞？唔好呀，我大麻都未種過，唔想咁快就要坐監。
佢無即刻攞貨，反而喺度兜咗個圈睇下有無人，其實咪又普通屋邨咁，無聊阿公阿婆一大堆，重有啲細路仔。
我：「走粉呀？驚有龜定海狗呀？」




Q：「小心駛得萬年船。」佢咁講我重驚，唔係又玩返原味底褲呀？不過明明我哋而家係攞貨唔係寄貨喎。
我：「千世修來共枕眠。」佢無理我句下聯，然後喺電話摷咗句message，再喺個controller度入code。
「咔嚓。」一個細櫃打開咗，QQ攞咗一個信封出嚟。
我：「妳…原來係想搵我嚟cosplay郵差哥哥？封信有無八gram呀？妳走得㗎喇，我會使命必達咁送返去妳屋企度，而且一定唔會偷睇入面…」