為了實現媽媽遺願，我成為了女兒國唐僧: K87

爸：『佢知我簽唔到成績表，咪send咗幅相畀我睇。』
我：『乜簽唔到，我第二日就交咗畀佢過目啦。』
爸：『唔好玩啦，佢一早就知係你自己簽…』
我：『咁都無問題，我係應該獲得爹地你嘅授權。』
其實來來去去，佢搵得我都係謦幾樣嘢嘅啫，唔通同我講喺異地識到啲乜嘢美女咩；咁我OK嘅，既然媽咪保佑我識到QQ，應該都唔想自己個老公忍到蛋蛋硬化嘅。
雖然可能性唔知有幾高，如果有一日有新細佬或者妹…亦難保會有一個家姐？！呢個世界無奇不有…
我：「Queenie，我爹地話過幾日返嚟喎…」
Q：「嗯，咁咪返囉，無特別，隔咗咁耐都應該啦。」
既然乜都知道，又真係無任何特別。
我：「我戥妳慘啫，要由朝到晚戴住個Bra實好辛苦。」




Q：「我重戥你慘，無凸點睇到時睇你點J？」呢個衰豬越嚟越頂心杉，明明就係我重養緊佢一大part。
我：「算啦，爹地喺度都唔係太方便，養精蓄銳好過。」
Q：「咪幾好，有人陪你覺覺豬唔使咁寂寞。」
我：「言下之意，係咪妳晚晚一個人覺覺豬好寂寞？」
Q：「乜一個人呀？！我晚晚有吉百利陪我㗎。」
我：「哦…其實吉百利…喺妳個秘密基地有乜職責㗎？」
Q：「嗯，好多喎，佢係丞相嚟，要幫我殺滅下啲細菌，趕走啲妖魔鬼怪落床下底，準備下財政預算，斬殺下啲亂臣賊子，幫啲色魔投胎做太監。」
我：「好重要喎，咁如果有一日佢唔見咗，你基地會俾異形踩冧都似。」
Q：「啋過你呀，佢唔見咗嘅話第一個就殺咗你…係嘞，咁你爹地返嚟幾多日呀？」
我：「佢話一個禮拜喎。」




Q：「咦，佢三個幾月無返嚟剩係放一個禮拜咁少？上次都十日有多…唔通，佢寧願加班OT都唔想見到你？」
我：「咁我又無乜所謂，佢識畀生活費我就得。」
Q：「哈，咁樣嘅你，又話俾人獨留在家，都唔掛住屋企人嘅。」細個都會掛嘅，大個咗就慣咗自由自在喺條街行auto mode，可以隨時帶女返屋企都不知幾爽。
我：「咁妳係咪好掛住媽咪？」
Q：「我唔知佢呀！唔好打嚟同我求救就得。」
我：「點解要打畀妳求救？一個人應付唔掂個叔叔要搵阿女幫手？」
Q：「你係咪黐線㗎！嗰個我媽咪嚟㗎，你鹹濕都搵…」
我：「搵佢個女？唔好掛，唔想俾妳媽咪鬧喎，鬼叫妳講到佢靚女又後生。」
Q：「唔到我控制㗎喎，鬼叫佢廿歲就生咗我…唔講呢啲住喇，今日有個任務畀你，好偉大㗎。」
當一個靚女話有啲好偉大嘅任務畀你，就知佢要搵你笨柒，當然我對住QQ係心甘命抵，除咗切柒唔得之外。




我：「係，有乜嘢可以為妳效力？」
Q：「嗯，我需要你幫我運一件貨返嚟。」