為了實現媽媽遺願，我成為了女兒國唐僧: K50

Q：「乜你認為佢會反抗嘅咩？」
我：「妳恃勢凌人，胸大夾惡，喺妳嘅迫迫下…」
Q：「乜喎，放心啦，我唔會虧待你個好朋友嘅。」
我：「明嘅，妳請佢眼睛食雪糕，乜都得，明晒。」
Q：「喂，人哋先唔似得你咁鹹濕呀。」
我：「係，梗唔似㗎，收收埋埋啫，唔通學我表演放煙花妳睇咩？」其實越諗越覺得我同QQ唔多對路。
Q：「我知呀，不過無所謂啦，男人都係咁。」
我：「不過，妳對男仔又幾好嘅。」
Q：「哼，你而家終於知道我對妳好喇咩？」佢喺我面前搖一搖上半身，睇住鬆軟嫩滑布甸上面嘅兩粒迷你車厘子捹來捹去，唔得喇…我真係就嚟腳軟。
再諗下佢今朝剩係得乳貼嗰副德性。




我：「嗯…妳個男朋友一定好幸福…」
Q：「直頭爽添啦。」佢向前挨埋嚟，用兩粒釘打落我心口上面，呢啲嘢係無乜感覺，但有知覺㗎！
我：「唔好迫我呀！我會做錯事㗎！」我匿去沖涼。
Q：「唔會㗎，你超脫咗㗎喇，就算我一絲不掛你都唔會掂我㗎！」連我自己都無乜信心。
我：「咪癲啦…總有一日我會忍唔住…」
Q：「十六歲之後吖嘛！我知你惜我㗎，唔該幫我班個webcam返嚟吖，唔使太清㗎，720P就得，同埋要有夾同可以較角度…」每次有甜頭…就使死我。
沖完涼，我哋都慣咗有幾句夜話先覺覺豬。
我：「做乜無端端想直播打機嘅？」
Q：「咁唔係個個都鍾意聽音樂㗎嘛，我怕啲人會覺得悶，所以想開多個channel囉，同埋直播打機可以邀啲觀眾一齊排，多啲互動等佢哋開心啲，課金都覺得有價值啲吖，而唔係課唔課都有音樂聽，有啲人根本無諗過點歌。」講到尾，商業考量；其實佢哋最重視係妳副body啫，乜嘢音樂同打機相比之下都係浮雲嚟。
我：「但係…妳諗住靜音打機呀？」




Q：「呢個都係其中一個問題，我點會無諗過喎，我聽過有啲電音變聲軟件，可以整到初音或者perfume類似嘅聲，聽聞啲VTuber都有用，你同我研究下啦。」
講到尾又係搵我笨，只係我福利一定好過阿健，希望…
我：「你唔急㗎？呢啲咁複雜嘅嘢我唔係幾熟。」
Q：「唔急㗎，如果你想養我養得辛苦啲，我唔播都得。」鬼信妳呀，我搵嗰少少錢係夠妳食飯咋，妳想買多少少嘢都唔得。
懷住忐忑不安嘅心情嚟到第二日，太陽同傻瓜雀飄過…
蚊：「交，叉，仔。」一把一聽就知曳嘅聲音。
我：「嘩！點解妳喺度嘅？」我望住佢個大頭。