thriXt Qantasy 純文字安眠之作 (New: - U2K - 一直上架): K21

未抖順條氣，佢又再一次彈咗出去…其實，佢使乜叫我嚟陪佢游水呢，咁樣會悶死我㗎喎，女又未有得昅…
健：「呼呵…」話咁快佢就游咗二百米。
我：「死得未呀你，欲速則不達呀。」
健：「我游一個來回…用咗…幾耐呀？」
見到佢咁有heart，我好想介紹奧丁畀佢識，等佢再一次跌落深淵…定係會喺困境中絕處逢生呢？喺啲陰深嘅地方，更彰顯出某啲嘢嘅生命力，例如YY嘅髮菜。
我：「無認真數喎，我諗…分半鐘左右？大概。」
佢無答我，又再一次彈咗出去，屌…游咪游囉，好叻咩？
我跟住佢後面又彈咗出去，無錯…我要輾壓佢，喺一個來回之後，我已經超前返佢一個身位，唔通我前兩日同奧丁鬥完之後自己都有少少進步？
其實我相信努力有回報㗎，起碼自從有QQ陪我溫書之後就更加體驗到，最多回報同成本不合符比例啫。
我：「計乜鬼時吖，快過我咪得囉。」




健：「我…呼呵…游完兩轉…呼…你先至…」
我：「得喇，得喇，抖順條氣先，一齊游唔使你蝕。」
健：「多謝…」水，可以一齊游，但女，係無得一齊溝。
結果到咗四點鐘，我哋足足游咗兩K幾…定三K呢？已經數唔清楚，第一次見佢除咗打機之外咁落力，明明我頭先就飽到上心口，而家竟然有少少肚餓。另外我自己有偷偷地計時，每個來回只係八十五秒多啲，而佢就慢我少少咁啦。諗起奧丁讓我一隻手都係呢個速度就覺得恐怖，睇怕佢自由式可以迫近一分鐘來回…
而終於呢條友亦要抖下，我留意到有一個後生女嚟咗練水；雖然佢紮起頭髮戴住沒鏡著住全冚式黑色一件頭一啲都唔起眼，而且喺度專心練水，但逃唔過我嘅靚女雷達，齋睇個shape，面形同皮膚都知屌得過。
最重要係確認自己唔識佢，否則昅下昅下先發現係熟人就會尷尬，例如如果佢係Uranus我就會玩撚猿。
無論點睇都係個姐姐嚟…應該係大學生。
健：「我上去去個廁所先，重要飲啖水。」
我：「其實呢兩樣嘢喺呢度都可以滿足到你，只係要分清楚次序有先後。」我講完都覺得自己撩架打。
健：「咁你下次中出完條女再幫佢舐閪啦。」




估唔到佢咁平靜反擊我，睇嚟佢努力咗一陣就識鬆毛鬆翼以為自己唔同咗喇喎；你覺得咁樣講好爆咩？你眼中嘅天方夜譚，喺大卡車姐姐嘅性愛技巧第一期訓練班入面只係小菜一碟，如果係靚女嘅話，呢樣嘢對我嚟講無乜難度。
咁啱位姐姐喺我呢邊彈咗出去，我決定跟！我游喺隔籬半條線斜斜地望住佢後面，無論妳件泳衣有幾密實都好，只要游蛙式嗰陣大髀一擘一合，都會係好風光嚟…