為了實現媽媽遺願，我成為了女兒國唐僧: 988

講講下佢又攬住我，總覺得佢對我嘅感情係好複雜，但我又唔可以直接問佢，不過我一定會盡我所能照顧佢；我哋呢種日常根本就超越晒一般嘅情侶，普通感情關係都重有計較同比較，而我早就覺悟到要包容佢嘅一切。
亦要放棄…免費午餐EX…自來大波妹…發姣啤酒姐姐…
「叮噹。」一下門鐘聲敲碎咗我哋平靜嘅生活。
我嘅身體同QQ分開咗，走去門口防盜眼睇下係邊個。
係細蚊…當然又係唔開心樣…
我零點零九秒跑去QQ耳仔：「係細蚊嚟。」
Q：「你咪開門…呀，畀十秒我。」QQ諗都唔諗就喺我面前除衫再擰轉身，隨手喺梳化執起咗個Bra嚟戴，明明上次…都唔知佢搞乜。
我：「係，嚟喇！」我唔想佢等太耐，費事佢以為我同QQ喺度做緊乜嘢好事，但其實我哋一齊住要做乜佢都估唔到，亦同佢無乜關係…唉，好矛盾呀！
我：「細蚊？妳無嘢吖嘛？」我開門俾佢入嚟。
呢句明顯就廢話嚟啦，一睇個傻妹就知道又出事。




蚊：「交叉仔！嗚嗚嗚嗚！」佢一入嚟就攬住我。
唉，話就話我同QQ無嘢，但我都想避免呢啲鏡頭。
我：「係咪…又有男仔蝦妳？！等我去收拾佢！」
講就咁講，但我理得幾多次喎，如果佢係要黐埋去啲仆街度佢都有責任，我無可能永遠同佢出頭，加埋我唔係太想同人打架生事，一陣唔覺意攪咗個案底出嚟就弊。
蚊：「唔係呀！唔關仔事！」見佢喊咁口，我就搭住佢膊頭扶佢入屋，我望住戴返好個Bra嘅QQ，粉紅色Bra邊喺件白色背心側邊突晒出嚟極其趣怪，但而家唔係關心呢啲無謂風花雪月嘅時候。
Q：「嘩！細蚊妳隻腳攪乜？！」
蚊：「我俾老竇趕出屋企呀！嗚嗚嗚…」
我：「吓？！雖然記得妳講過佢係個粗人嚟，但都唔係咁過份㗎！」如果係家事，睇怕就真係幫唔到佢。
Q：「係咪…妳考試滿江紅呀？」
蚊：「Queenie妳咁叻嘅，我乜都未講就估到。」




Q：「呢個季節，加埋妳咁嘅樣…所以咪估到囉，佢有無攪錯呀，都中學生啦，重打到妳隻腳咁樣，知唔知道隻腳對女仔嚟講係好重要㗎！離晒大譜！」
望到佢隻腳一條條藤條印，我就心痛…不過點都好過俾人中出即飛嘅。
蚊：「係呀…重好痛…」梗係啦，新鮮熱辣。
Q：「妳坐低先，我睇下有無嘢可以幫到妳。」
細蚊坐喺我張床上面，一個慘樣，我望住佢佢又望返我都唔知點算好；佢嘅衣著就同喺屋企一樣，一件鬆身白T，粉紅色波褲，再加對拖鞋。當然，佢嘅衣著對我嚟講係完全唔重要，我只係關心有無嘢可以幫到佢。
Q：「呢度有枝薄荷蘆薈護膚膏，妳覺得啱唔啱使？」