為了實現媽媽遺願，我成為了女兒國唐僧: 798

如是者，我哋總算正正常常咁食完餐飯，而四位女神就繼續喺餐廳進行佢哋嘅常務會議，我哋就無特別過去同佢哋say bye，只不過我諗我返到屋企都唔會有乜好事發生。
W：「記住星期五嚟搵我攞曲奇呀！比賽要畀心機，嗰日見啦。」
就係咁，我送完佢返屋企就自己返屋企。
星期五…聽日完咗之後我重有命先算啦，都唔知條臭閪Y想玩乜花臣，拜託佢唔好攪到我比賽嗰日踢唔到波就好，贏輸事小，其他嘢緊要嘛。
結果我就攤喺床上面滿腦子煩惱咁瞓著咗。
我：「嗯…呼…吖嘩嘩嘩嘩吖吖…咪扯！」
瞓瞓下俾人扯lin整醒咗，你話夠唔夠黐線？
Q：「天黑喇！你條友仔想瞓到幾點呀？！」
我：「吓！吓…天黑…乜我瞓咗咁耐…都唔知。」
Q：「係咪同韻婷happy完攰到瞓死咗呀…」




我：「無…無呀！食完飯我就送咗佢返屋企！乜都無發生，我掂都無掂過佢囉好唔好！」
Q：「咁驚做乜，又無話唔俾你同佢一齊，呀，係唔可以攪佢啫，你應承過媽咪要等佢十六歲。」
我：「乜…事呀，無等，同佢只係隔籬位朋友。」
Q：「真係…咁簡單？」
我：「係呀，要溝佢我第一日溝咗啦，使喺度怐菇咩，妳當我係乜喎，就算係佢都同平時一樣。」
Q：「哦，你鍾意啦，驚你激親人哋啫。」
我：「無囉，人哋不知幾正常…做乜無端端扯人粒lin喎，重要咁大力，信唔信我報復吖嗱。」
Q：「好呀，你咪試下囉。」佢講得呢句，就即係已經換完衫飛埋釘，講完之後重好似硬一硬添。
我：「唔喇，我怕妳痛…」其實佢成日飛釘我點會唔知佢粒嘢嘅大細吖，係幾適中，冷靜嘅時候輕微咁浮出嚟，激動嗰陣就好似粒棉花糖咁，確實係幾吸引，好想大力咁捽同摙佢。
Q：「你呀，瞓喺度衫又唔著，被又唔冚，好難忍㗎嘛。」我又何嘗唔係每日忍到hi hi喎。




我：「天氣熱吖嘛，一個人開冷氣好浪費㗎，我都係唔小心瞓著咗咋嘛…」
Q：「哦，同女仔食飯加九蚊飲紅豆冰就有錢，大熱天時瞓覺開冷氣就無錢。」