為了實現媽媽遺願，我成為了女兒國唐僧: 780

瘟：「果然黃賭毒就啱晒你…你哋中三就有自由參加嘅分科咨詢活動，有啲中六嘅優異生返嚟分享，你哋可以去中六課室搵佢哋，高form就係悲哀嘅補課環節，大約三點鐘有個所有制服團體嘅結業步操，Queenie佢哋音樂組就好似要綵排。」
我：「嘩，咁多嘢搞嘅咩，唔驚撞期㗎？」
瘟：「你估個個好似你咁得閒咩，撞咗咪自己取捨囉，睇下邊邊重要啲，先生都會理解。」
我：「嗯，多謝你嘅資訊，下次再見。」
瘟：「乜下次再見呀！你同我醒醒定定踢好粒波呀！」懶得理佢，正所謂多做事，少說話。
如果我無記錯，Bubble師姐係Girl街嘅成員…
嗯，睇緣份啦，重有幾日無理由會搵唔到佢嘅。
講起緣份，有啲嘢就係咁狹路相逢，而唔係相逢恨晚，係相逢何必曾相識。
有個女人喺我間課室行出嚟走廊。
Y：「喂！褪乜嘢呀褪，你係咪弱智㗎，行行下行路打到褪都有嘅？！」係女魔頭芭班希呀！


我：「呀…欸…我同妳唔係好熟㗎咋。」
Y：「係呀，咁你係咪喺學校九成時間向後行？」
我：「我…驚妳吖嘛，我好細膽㗎咋。」
Y：「你係咪黐線呀，同我正常啲得唔得，其他人睇到嘅話會點諗呀？」
我：「知道，對唔住，女帝陛下。」
Y：「唔得閒同你廢話，你記得星期四留時間㗎可？」佢銳利嘅目光刺痛著我，屁眼隱隱作痛。
我：「係…當然，微臣唔敢抗命，但嗰日…要做啲乜？」無知，未必係最快樂，係非常痛苦。
Y：「放心啦，死唔去嘅，有正經嘢要做。」
我：「妳隆重其事咁搵我，我當然係知要做正經嘢啦，但畀個方向嚟都好吖，有個大概等我可以心理準備下。」呢個女人我相信無乜係做唔出。
Y：「我哋去做啲好激情嘅嘢好唔好？」


我：「係…即係點呀，小人唔敢有非份之想。」
嗱，單從外表計呢，Yvonne係絕對唔差嘅，至少都有QQ嘅七五折；但係當你知道咗佢扭曲嘅心靈之後，就算佢除晒衫撩我上床我都唔敢。有無聽過黑寡婦蜘蛛點樣同另一半交配？我唔想我有命上床無命落床…
Y：「嗯，首先要切咗你條朘朘，再切埋兩粒蛋蛋，幫你變性做女仔，然後我哋搞les好唔好，我想玩到你潮吹瀨尿，我要聽你呻吟嗌唔好。」
我：「唔使，我而家就嗌唔好，我知錯。」
其實…我係好想問佢點解可以咁黐線，但問完睇怕我都唔會知道答案，甚至小命不保，咪制。
喺呢方面，佢同埋QQ都係黐黐地線嘅，我就覺得QQ係貼地啲，佢會同男朋友曳，唔介意我聽到佢乜嘢嘅聲，有時又有意無意咁挑逗我，伸手閹我嘅下面又打我屁股，喺我屋企就當我無到咁…而且，亦都曾經做過賣底褲呢啲勾當，佢媽咪亦都奇奇怪怪；相反，Yvonne畀我嘅感覺係好空靈虛無，彷彿要喺精神上超越，再繼而折磨我，平時只有聽過女仔嫌男仔鹹濕，而我而家竟然可以體現到一個女仔喺性上面畀到我壓迫感。