thriXt Qantasy 純文字安眠之作 (New: - U2K - 一直上架): 770

我：「哈…哈哈，屌…又話自己真心鍾意人哋，講唔夠幾句…你同我講埋啲咁嘅嘢，想點喎？佢係好正嘅，想要係正常，大家都係仔，唔使唔認喎…」
瘟：「都估到你唔會明白我。」
我：「吓，窈窕淑女，君子好逑，有乜唔明呀？身體自然有反應㗎啦，硬J都要明？」
瘟：「係，見到靚女有反應係自然，但，我唔係為咗得到佢嘅肉體嚟同佢乜嘢喇，我係諗，將自己嘅第一次交畀一個真心鍾意同欣賞嘅女仔，而且係特別嘅女仔，係一件好浪漫嘅事，呢段美好回憶成世都會留喺心中，無論第時識過幾多女仔都唔會被抹殺…講真，我哋重細，唔通拍拖就講成家立室咩，都係想享受愛情，但係如果第一次就是是但但搵個女仔拍拖，集郵心態咁，可能好快就會唔記得晒，我唔想咁…如果唔係，我都無得嗌你做師兄啦。」
究竟，佢係好男仔定壞男仔…我都唔係好知，但至少，一定好過以前嘅我嘅；唔知QQ知唔知道佢點諗嘅呢？
我嘅第一次畀咗細蚊，又攞咗佢嘅第一次，要講返實在係無乜點，想做咪做，有需要就要射，希望佢當時都有需要俾人插啦…曾經，好嬲佢，好想忘記佢…但到咗而家大家都有轉變，所有嘢沉澱落嚟，重可以和好相處，又覺得幾舒服。
可能N年後，我哋結咗婚，甚至有人離埋婚，都可以約出嚟講下當年我哋幾咁低B，笑佢個波幾十年生埋仔都重…唔係喎，有可能會大咗，可唔可以分啲奶畀我飲下添。
我：「我唔識講…假如，我話…Queenie…佢係你師姐，重會唔會想畀第一次佢？」
瘟：「你係咪已經肯定佢唔係？」
我：「唔係，就算知都唔會話你知，而且我可以講大話，專登擾亂你。」




瘟：「係咪都無所謂啦，我鍾意佢又唔係因為佢清純，反而係佢有少少曳同埋早熟，彷彿係一個似姐姐嘅妹妹仔咁，呢種感覺好正，如果佢可以教埋我呢方面嘅嘢就真係此生無憾咯…講真，我係想畀第一次佢，而唔係攞走佢嘅第一次。」
我…唔識評價，本來就覺得佢唔太正常。
我：「嗯…本來我都以為你會等到佢分手為止。」
瘟：「其實…佢有無仔我又唔係話睇得好重，呢個只係影響我機會嘅其中一個因素，佢有仔都可以冧我，又或者無仔都唔會睺我，重點係…當佢喺我面前嘅時候，我再睇唔到我心目中嘅佢，就覺得…一切都再無所謂。」
我：「我覺得，就算佢未必鍾意你，都係真心同你相處，唔會話玩你或者呃你，佢始終係佢嚟，佢可能對你唔好，但絕對唔係一個虛偽嘅女仔。」