為了實現媽媽遺願，我成為了女兒國唐僧: 734

我：「原來妳哋已經咁清楚…其實M1同M2有乜分別㗎？」
Q：「唉，你條友…同你講太多都無用，M1有統計，大學讀商科比較著數，M2就係諗住做engine讀嘅，如果唔讀大學多數唔收。」
我：「咁其實…我應該讀乜好？」
Q：「睇你個樣都係想計數㗎啦，如果讀到physics已經可以同班，M1M2自己諗啦，M2無乜女仔讀，但你或者可以做Uranus隻兵，M1就…可能對住我哋另外幾個掛，其實六科已經夠，睇下最後一科你鍾意乜囉，唔啱讀就drop咗佢，但勸你唔好諗住跟我就揀econ，你未必啱讀，同埋我都未揀定。」
我：「重可以有乜科揀？」
Q：「無乜，因為M1M2會撞咗BAFS，你只可以揀chem或者ICT，ICT就會同文商科啲同學讀。」
我：「邊科會著數啲？」
Q：「我點知你第時想做乜喎！醫生護士藥劑化驗咪讀chem囉，IT狗咪ICT囉，工程師就M2，如果會計咪唔好計數讀BAFS，不過好少人會咁揀。」
我：「點解妳好似乜都知咁？咁妳第時想做乜？」
Q：「我乜都唔想做，最好有人養我。」




真係想屌出聲，咁妳讀書咁叻嚟做乜？為咗等我哋呢啲讀唔成書嘅又搵唔到食更加痛苦？
Q：「放心啦，我剔之前實會同你講嘅，但就勸你剩返呢大半個月好好諗清楚自己想做乜。」
想做乜？想做妳個男人囉。我望住手指下方幾吋嘅乳房，真係這麼近，那麼遠，到底我要做啲乜先養得掂妳呢個淨係想嘆世界嘅女王？
又過咗幾日，嚟到麻L煩嘅中文作文堂兼oral堂，望住張中作紙已經令人絕望，重要一組又一組咁等題目準備落去練習口試，就算Miss唔喺課室看住我哋，所有人都無乜心情而家謦欬。
終於第五組練習完返到課室。
「第六組而家可以落去。」
要嚟嘅始終都要嚟，我哋幾個就係第七組。
我：「咁我哋第七組嘅題目呢？」
「喺我手上，要等幾分鐘先，Miss Tang講過準備時間係得五分鐘。」
我：「使唔使呀，你哋頭先都多咗兩三分鐘…」




「咁係上一組早咗畀我哋啫，但我要守規則。」
使唔使呀…而家都只係練習唔係考試，大家都係同學有乜必要計到咁足，呢個女班長真係…不過QQ就對我示意叫我唔好多事，乖乖地等多陣。
等咗三分鐘到女班長將題目放喺我哋枱面。
『求學時期應否崇拜偶像（追星）？』
嘩，啲題目都追得幾貼㗎喎，明明呢樣嘢已經唔流行好耐，係而家先hit返，果然係炒冷飯當新潮；而喺題目嘅下面就有少少參考資料，似乎係喺網絡上面cap落嚟，同以前啲傳統格式有啲唔同。