為了實現媽媽遺願，我成為了女兒國唐僧: 707

我：「算係咁啦，最緊要大件夾抵食。」嚴格嚟講同快餐店嘅學生餐多飯打和啦，始終差杯嘢飲。
Q：「食唔食嚿壽司？」
我：「唔喇，乜都無得塊皮有乜好食喎。」
Q：「我鍾意食喎，我喺日本都會買嚟食。」
我：「咁留返畀妳啦，唔好浪費食物。」
Q：「唔係話我唔鍾意食刺身呀，只係呢個最抵食，我又食咗tea，唔想嘥錢。」
我：「無所謂，知妳乖，妳賺返嚟嘅錢想點使咪點使囉。」
Q：「係嘞，我都買咗份禮物送畀你。」
然後佢就喺個啡色手抽紙袋入面拎咗樣嘢出嚟。
我：「做乜咁客氣喎…咦！係Blooming，宮島…」




Q：「唔好話你唔啱呀，係你自己話男人鍾意呢啲嘢嘅，另外嗰啲我幫唔到妳，書都可以買本嘅。」
我：「但…但係…我電腦入面明明已經有。」
Q：「你呀，知唔知醜㗎！成日話鍾意人哋，但就剩係識上網download，個女仔拋個身出嚟做，剝光豬等你有得打飛機，你射完就一蚊都唔俾人賺下，係咪忍心佢無糧出餓親呀。」
我：「唔…唔係，我係驚妳餓親啫…但呢啲書唔係要十八歲以上先買得㗎咩？」
Q：「係掛…我喺信和地庫搵到嘅，不過佢都無貼封條，都係自己運返嚟賣嘅啫，又或者可能個老細見我係女仔咪由得我囉，我又唔使買先有得睇，要睇女仔我睇自己都得啦。」
乜道理，女神果然係大口氣，睇自己好過睇AV女優寫真啦；不過我又同意嘅，我都係無得睇妳全相先搵啲寫真頂住先啫。
我：「呢本嘢…香港買一定好貴。」
Q：「肯定唔平啦，又要運費又要鋪租。」
我：「多謝Queenie，但係…我會唔捨得拆，亦都好怕整污糟本書。」
Q：「理得你，你咪唔好拆，最好唔好整到本書黐納納…我都係女仔，只係想幫返女仔，睇唔過眼你哋個個得把口，剩係識上網食人免費餐。」




我：「咁…法律又唔俾我哋買，大過咗我會補償返佢㗎喇，去日本掃晒佢啲blu-ray返嚟！」
可惜我而家連部blu-ray機都無。
Q：「叻喇叻喇，到時你重記得人哋先算啦。」
我：「咁我食飽飽落去開工喇！」
會買AV女優寫真集畀男仔嘅女仔係世界上最靚嘅女仔，係真女神，係心地善良，係大方賢淑，抵我要返工養妳成世！如果可以…
我返工已經慣晒，QQ又開始識搵錢，阿健呢個炸彈拆咗，老竇默認QQ喺度住重加埋我生活費；雖不至於紙醉金迷，但我已經開始沉淪於呢種安逸幸福嘅生活，有時甚至會覺得可以隨意玩弄嗰兩粒飛釘都無問題…或者係，但接住會發生嘅嘢一定有問題，所以都係遲啲先。
正當我以為一切都順風順水，嚟到風平浪靜嘅星期一嘅時候，食完飯返到課室嘅我俾某人掐咗我出去；搞乜鬼呀，呢個女人點睇都唔會對我有性趣，睇嚟唔方有乜好嘢。