thriXt Qantasy 純文字安眠之作 (New: - U2K - 一直上架): 669

Q：「點呀，睇到你想睇嘅嘢未？」
著完衫褲之後，佢擰返過嚟對住我哋。
健：「Ku…Ku…Qu…點解…妳…」條友已經hang咗機，對住女仔一句嘢都講唔出口。
Q：「又話鍾意我嘅背影，請問朱自清先生你硬咗J未呢？唔好嘥咗我一番心意喎。」
有時我都唔太明，佢究竟係鍾意flirt仔定點；對住男朋友，聽得出sweet得嚟但佢啲態度係保持清純乖女；對住瘟神，就好似一副優柔寡斷令人不明所以嘅樣；至於對我，已經唔想諗。
健：「…」佢識應佢嘅話就唔會溝唔到女啦。
Q：「請問你又對住Kuromi Facebook張相J咗幾多次呢，呀朱自瀆？」
健：「Qu…eenie妳…」
Q：「我乜嘢我呀，我又唔係細路女嚟，大驚小怪咁，咪低B啦。」
健：「佢…喺你度成日都係咁？」問我嚟做乜…




Q：「我同佢一齊住㗎，如果咁都要介懷我咪好辛苦，應該要踢佢出門口先。」
我：「咳咳…如果你俾佢玩完覺得唔忿氣，好快啲趁有機會視姦爆佢。」
健：「我…我…做唔出…」佢抬頭望一望Queenie個樣，然後又低頭面紅紅怕醜咁。
Q：「唓，都唔明底衫褲同比堅尼有乜分別，係你哋啲男仔鍾意諗埋啲無謂嘢。」
健：「救命…我適應唔到，同你兩個好似有代溝咁…」個傻仔雙手按頭好似受咗好大打擊。
唔好話你，其實我當初都完全估唔到QQ夠膽喺我隔籬DIY，重要出埋聲添，嗰一刻嘅震憾到呢…不過對我嚟講主要就係因為佢身份問題，一嚟佢係女神，二嚟我同佢嘅關係只係普通朋友。
Q：「適應唔到就棄療躺平，成世做毒撚無人可憐你。」睇嚟阿健已經接受咗QQ嘅毒舌。
健：「唔好啦…嗚…妳重要詛咒我…」
Q：「唔好低B，夠鐘行喇，我已經好肚餓，你個仆街仔玩夠亂鬥未呀，快啲換衫啦！」
我：「佢請妳食飯咋嘛，關我乜事，你兩個去囉。」雖然理論上我唔係電燈膽，但我都唔想阻住佢兩個講數。




健：「請埋你囉…一齊去食啦，唔好要我一個人對住佢，我會死㗎。」