為了實現媽媽遺願，我成為了女兒國唐僧: 663

就係咁，我同QQ喺個廳度打傳說，佢重要開到鬼死咁大聲，好似方死個傻仔聽唔到咁。
Q：「喂！快啲嚟中路救我呀，三條友偷襲！」
我：「做乜唔匿喺個塔下面喎，累死埋我添…」
Q：「渣你就渣啦，睇下…又輸一場嘞。」
我：「輸贏好閒啫，今鋪擺明對面勁，妳又唔小心。」自從打小咗機，已經睇化晒。
Q：「等我send條invite link畀佢先。」
我：「得唔得㗎，佢而家咁嘅樣。」
Q：「都話理得佢，佢想點就點，我已經唔care。」
Send完等咗一分鐘都無反應，我哋又開多場，玩玩下嗰陣feel到傻仔健入咗廁所，重聽到開水聲。
而呢場呢，我哋係贏嘅，其實我都唔算渣吖。




Q：「好啦，咁等我再send多次。」
等咗廿秒到，個傻仔入咗嚟；呀…唔係入返嚟廳，佢個人重喺露台，但就入咗遊戲房間，而我哋就好似平時咁打三排，QQ做法師，阿健打野，我就負責補位。
健：「快啲過嚟幫手打凱撒，好快有人過嚟…」
K：「好呀，嚟緊，等一等。」佢最正嘅地方係扮返Kuromi把聲，搞到我有啲哭笑不得，阿健就無乜反應，全情投入喺遊戲上面。
而我亦即刻識得配合，走去河口敵方野區攪攪震，成功令到我方收拾咗條凱撒，最後喺啲龍仔嘅帶領下打爆咗對面嘅水晶。
K：「Yeah，又贏一場。」
阿健一離開遊戲世界，又變返雙目無神，望住妹妹仔聲嘅QQ，此刻我實在諗唔到佢心中係乜嘢味兒，大概同Carmen放晒我啲精子再同我say goodbye嗰晚差唔多掛。
Q：「點呀，唔嬲我嗱？」真係精神分裂㗎…
健：「無論…我嬲定唔嬲…咪又係…乜都無…」
Q：「係咩，你當初識Kuromi係為咗乜㗎？」




健：「我…想同個女仔…一齊打下機。」
Q：「乜唔係想呃個妹妹仔同你上床咩？」
嘩…估唔到，佢對住阿健都可以咁直接講嘢。
健：「點…點會呃喎，而且我又…邊有咁容易吖，我知自己事，我又唔係呢條友。」
我：「喂，乜嘢事呀，我幾時呃過女仔？」
Q：「Kuromi又無話唔同你打機，喊乜鬼？」
健：「妳…妳係Kuromi？」
Q：「我唔係Kuromi咁邊個係？」
呢啲對話夠晒一頭霧水，我都唔知QQ係咪真嘅…
健：「咁係囉，咪一齊玩。」




其實又有邊個男仔係只係想同個女仔齋打機吖，起碼都要打下飛機，如果唔係只會比一無所有更難受，睇到食唔到，諗到搵唔到，Angel…
Q：「重使唔使報串畀我男朋友知等我俾人飛？」
健：「如果妳…唔再玩我同笑我，都唔使嘅。」
Q：「咁使唔使向我身體伸出毒手以發洩心頭之恨呀？」佢放隻手喺自己對波下面托住講。
健：「我…唔敢…」