為了實現媽媽遺願，我成為了女兒國唐僧: 660

雖然哽耳，但我知佢講得無錯，無論男女，出面其實大把衰人，你自己摏個頭埋去點怪得人。
就好似細蚊同佢EX…雖然我身份上唔太適合講咁多…
健：「妳果然…我對…Kuromi咁好，枉妳玩完人重可以笑返人轉頭。」
我睇得出，阿健嘅精神狀態已經去到極限，瀕臨崩潰邊懸。
Q：「算嘞，我諗你由頭到尾都只會覺得係我嘅問題，咁我講聲sorry，恕我無能力幫你搵到個唔知點樣樣叫Kuromi嘅女仔，傳說account連咗去Facebook我都無可能還返啲角色同skin畀你。」
健：「妳唔係諗住講聲sorry就算呀？」
Q：「定係你咁大個人好意思叫我還返啲買skin錢畀你？都無話唔得嘅…」
阿健用沉屈同不忿嘅眼神望咗一下QQ，再掃視我間屋，吐出冷笑一聲。
健：「睇嚟，你哋兩個已經住埋一齊好耐。」
Q：「咁…有乜關係…你想表達啲乜？」




健：「唔知…其他同學知道咗會點呢？」
呢個先係最大嘅炸彈…Kuromi其實只係小事，就算無咗個朋友我都…唔會死嘅。
Q：「到底你想點，唔係諗住威脅我呀？」
健：「唔敢，不過有啲女仔成日都自以為啱晒，我諗好應該搵佢男朋友討論一下呢個問題，等佢瞭解一下…哈…唔知點解，我表哥同妳條仔係同一間中學。」唔怪之得佢之前咁肯定QQ有拍拖…
Q：「請問，阿健先生，我點先可以求到你大人有大量，放過本唔識事嘅小女子，幫我保守秘密？」
拜託…我都知妳好嬲，但唔好再講嘢刺激佢啦。
健：「妳玩咗我咁耐，畀我玩返陣都好應該…」
阿健用雙手擺出揸波嘅猥褻姿勢，一副自暴自棄嘅樣，咁嘅環境…佢極有可能做得出所有黐線嘢。
我：「喂！我唔理Queenie有無錯，但你敢對佢動手嘅話我唔會放過你！兄弟都無情講！」
Q：「呀爽走開，呢度唔關你事！」




右女神話一，我唔敢話二，咪睇佢平時cute cute地一副水汪汪可愛樣，決斷起上嚟嘅氣勢實在唔講得小。
然後佢行前兩步企喺阿健前面，個傻仔就坐咗喺我張電腦凳上面。
Q：「玩啦，唔該玩完就唔好周圍同人亂講嘢！」
QQ個心口…同阿健塊面只有幾吋距離，我諗佢呢世人從來都未試過咁貼近女仔對波，除咗抱住媽咪食奶嗰陣…所以佢嚇到呆咗咁。
Q：「揸啦，頭先唔係好大聲嘅咩？唔係要我幫你除埋條裙先揸呀！」
然而阿健就嚇到手都縮埋。
Q：「我叫你快啲揸呀，婆婆媽媽咁，揸下又唔會無咗忽肉嘅，就等Kuromi睇下佢嘅朋友究竟有幾卑劣！？」