為了實現媽媽遺願，我成為了女兒國唐僧: 655

我：「做乜咁大嘥喎，啲遮骨都無斷…唉，妳唔要咁我攞嚟用囉。」講真，我從來都唔攞遮返學，因為沿住走廊同簷篷行，再跑幾步過馬路就到。
Y：「喂…唔係幾好喎，一陣佢攞妳把遮嚟做變態嘢…」可以點變態？手把插屁股？
Q：「由佢啦，係唔係都變態㗎啦。」
我：「喂，Queenie唔要把遮呀！拍賣有無人要？」
「屌！本身好值錢，磨完你嗰度喎…」
「燒咗佢啦，睇到都眼冤！」
懶得理佢哋，扮無嘢插返落遮架算。
我：「嘩！妳數學竟然有八十八分？」
Y：「大驚小怪，點解你唔睇下我呢份先呢？」
Yvonne佢揸住自己份數學卷，有九十二分，無端端攞住自己份卷去人哋班房度都唔知為乜，佢哋攞呢啲分數，份卷已經無乜討論嘅價值。




我：「到底妳哋點考返嚟…重掁眼過啲閃中閃。」
Y：「葡萄呀？無人迫你睇㗎喎，你已經調咗位，係你自己走過嚟咋嘛。」
Q：「走啦，我都唔想你傷心，記得買返把遮畀我…」妖，妳自己買咪又係我啲錢。
唔係喎，佢好似開始識自己搵錢…
U：「Yvonne！Queenie！我終於擊敗晒所有男仔攞到數學最高分喇，妳哋睇下！」
屌，九十六分？！到底扣咗乜分，啲等號間得唔夠直？定係個零字埋唔到口？
Q：「恭喜晒呀！簡直係為我哋女仔爭光。」
U：「哈哈，因為我將書入面所有嘅題目，同埋對上三年嘅past paper，一題不漏咁做晒。」
吓…mid term都去到咁…呢班怪獸…
Y：「咁睇嚟Queenie妳要加把勁喇喎。」




Q：「算啦，四條八咁都幾好睇吖。」
Queenie喺櫃桶入面攞咗份中文卷出嚟，亦都係八十八分，差啲唔記得中文先係佢嘅拿手好戲，而中文攞呢個分係難過數學好多。
Y：「咁Uranus妳中文幾分呀？」
U：「炒咗，得七字頭，溫漏咗一課。」佢伸脷講。
呢班女人…我唯有黯然咁離開，抵妳哋無乜其他朋友呀，好在Zilvia無走埋嚟癲，佢一定係好人嚟。
W：「開心完返嚟喇？」
我：「開乜鬼心喎，我係俾人虐待囉，好唔好…」
W：「真係服咗妳同Queenie，喺度做戲唔攰嘅咩？」佢帶住疑惑同不解嘅眼神望住我。
我：「咁…無嘅…佢希望維持原狀，咪由得佢囉，如果俾人知道我同佢喺好朋友，未必咁好睇。」
W：「佢擺到明睇你唔起，做乜你要咁就佢？」




我：「哦…無嘅，佢都有佢苦衷…都唔係，佢住豪宅，我住公屋，佢係學霸，我平平無奇，佢係好靚女…其實我都唔好意思黐埋去，無謂俾人講啲乜啦，所以唔可以話就佢。」
W：「哼，好犯賤呀你。」
我：「邊係喎，人哋點睇係人哋嘅事，佢真心當我係朋友咪得囉，朋友點會計較呢啲嘢。」
W：「都係嘅，太多閒言閒語就會影響友情。」