為了實現媽媽遺願，我成為了女兒國唐僧: 654

健：「係囉，簡直過分！不過呢，分數又唔係一切嘅，第時畢業讀過啲嘢好快就唔記得晒，讀書叻都保證唔到你生活美滿過得開心。」
康：「係嘅…以前阿爽傻下傻下成績又差都溝到女，個天真係唔公平。」
我：「唔係呀，好公平，我而家無溝女成績咪進步囉！」其實主因係有條女嚟教我同迫我讀書。
相比起以前同細蚊扑完嘢就放置佢喺屋企，自己打無双打到個個角色都99lv，而家嘅生活真係充實好多。
健：「你條契弟重喺度講？！」
康：「係囉！我都忍唔到啦！行刑！」
我：「喂…唔使咁呀！講事實啫，好嚟好去…」
喺我未講完之時，坐喺凳度嘅阿康已經用雙手緊緊扣實咗我嘅雙手同條腰…咁，其實我識反抗嘅，以我身型做個類似後空翻嘅動作就可以壓死佢，但作為朋友無必要太認真嘅。
然之後阿健走咗去遮架度求祈攞咗把遮。
無錯，我哋呢間學校無咁多好動嘅小朋友，所以快樂角呢啲場景唔會咁易出現，以我身型無四條仔都幾難corn到我，而且玩corn從來都唔係一種好有效嘅方式，太重手會死人，太輕手就盞搞到自己重攰，所以倒不如用工具…




康：「喂！小心啲唔好撩到我…」
健：「咁串嘴吖嗱！識溝女吖嗱！等我閹咗你！」
阿康極之用力咁勾開我隻腳，雨遮開始無情咁向上掃落我褲襠，攻擊我嘅雞雞，玩咗咁多年大家都知要用乜力度，但始終都係痛…
我：「救命呀！吖！吖！嘩吖！」
與其反抗打一場，不如配合下嗌救命算。
如果唔係我凌空跳起雙腳一䟫已經夠阿健仆…
Q：「我仆你個…喂！你班嘢對我吧遮做乜！」
健：「Sorry，唔知把遮係妳，唔緊要啦，你兩個咁friend，借嚟用下先。」
Q：「乜嘢friend呀！我同佢唔多熟㗎咋！」
健：「但你朋友佢好興奮咁夾實咗妳把遮喎。」




為咗唔俾阿健掃把遮上嚟撞我雞雞，我趁阿康鬆懈落嚟嗰陣攞返隻腳出嚟夾實把遮。
Y：「喏喏喏…該煨囉，把遮dirty晒，唔使要咯。」
健：「重反抗？！夾到咁實…等我磨死你！」
佢拉咗把遮去我胯下，然後不停抽插…
我：「吖吖吖吖！」重衰過拍上嚟…
健：「係咪好high呢？用女神把遮嚟幫你行刑，你唔好扯旗呀下！」
我：「停…停…停呀！」
重點唔係條雞，而係兩粒蛋…終於過咗半分鐘佢哋掉低咗我喺張凳上，而我條髀罅重夾住QQ把遮。
我：「Quee…nie…還返…畀妳…」
Q：「食屎啦！我唔要呀！你賠返把遮畀我呀！」




我：「都無爛，最多洗下咪得囉…又唔係我想攪到妳把遮咁嘅，我都係受害者嚟。」
Q：「唔理呀，如果唔係你得罪人又點會咁，總之你買過把好好睇睇嘅新遮畀我呀。」
又嚟blame the victim，睇嚟我都要me too下。