為了實現媽媽遺願，我成為了女兒國唐僧: 627

Q：「信你呀，你有無諗過人哋對波吖？」一個女神著住件貼身薄T，將佢玲瓏有致嘅身體曲線透視晒出嚟，加埋兩點小不點…有時又會變大啲，講啲咁嘅嘢出嚟，實在叫我不知如何是好。
我：「咁諗還諗，只係因為一啲外在嘅嘢…唔一定會影響到純潔嘅友誼…嘅。」
Q：「呵，純潔，朋友都可以上床啦。」
我：「咪玩啦，我唔係以前呀，如果妳同我講，同佢玩完之後可以乜事都無佢又唔會唔開心嘅話我無所謂呀，最弊唔係呢。」
QQ，可能妳係呢啲女仔，但我唔敢亂嚟。
Q：「如果你追佢應會得手㗎喎，感覺食硬佢。」
我：「做乜係咁叫我追女仔啫…」
Q：「想睇下你以前點追女咋，好似好型咁。」
我：「我而家唔要型呀，剩係想讀返好啲書先，不如咁吖，我都想睇妳表演一腳踏兩船。」
Q：「呢個呀…等我積極考慮下先啦，如果我會爆鑊嘅話我又無乜所謂，多個人服侍我啫。」




乜…妳真係咁諗？定係妳要服侍多個男人咋？不過睇妳個樣又好似真係唔太care，女神到底搞邊科，開始大個女越嚟越性開放？
如果妳真係咁亂嚟…我會好難頂，亦會心痛…不過只要妳一日有需要我都會俾妳喺度住同照顧妳，前提…畀我用埋妳先，好歹我都服侍緊妳。
胡混吹完一輪水，我又照常煮飯仔一齊食。
食完QQ照常洗碗，跟住溫書，佢每日真係可以花好多時間喺讀書上面，喺佢影響下我都唯有坐喺隔籬用功；呢種感覺，實在係好兩公婆feel。
雖然我㞗知真正嘅夫妻其實係點…
溫到咁上下我哋又㩒下電話。
Q：「喂！惠康公仔點心特價呀，五十六蚊五包！」
我：「你…究竟喺度睇緊乜㗎…」
Q：「咪睇緊超市特價推廣page囉，都話我而家好知慳識儉，唔會亂咁使你啲錢。」
我：「照除就係…十一個…二，平咗八毫子啫。」




Q：「不如去買咯。」
我：「惠康要過隔籬邨喎，冰箱重有包呀。」
Q：「喺你同靚女溫緊書嘅時候我已經食咗喇。」
我：「呢句說話出自妳口硬係奇奇怪怪咁…」
Q：「有乜問題呀，就算我靚過佢都唔代表人哋唔係靚女㗎喎，定係你嫌棄人哋咋？」