為了實現媽媽遺願，我成為了女兒國唐僧: 613

地鐵站上到去，QQ話佢喺豐澤入面睇緊嘢。
每次同佢出街都會手拖手，我諗緊點開始好…
嚟到門口就已經見到個衰妹喺度睇緊iPhone…話說佢部電話已經係年幾前嘅model，平時用就梗係無問題啦，但女仔通常都鍾意新嘢…呢個道理同啲賤男鍾意每隔一排就換新女朋友一樣；新奇的鮑魚，刺激的前戲，有趣的噴射；貴為最經常用嘅隨身物品，呢啲嘢嘅軟體同硬體都要與時並進update下嘅。
但iPhone嘅話小弟就真係無能為力，我自己都係用緊兩年前嘅小米或者one plus呢啲平靚正嘅電話咋；就算佢肯賣返部舊電話出去，都要補成二千，呢個數夠我買多部喇，但如果細心諗下夾硬嚟又唔係唔得嘅。
我：「Queenie，好耐無見喇…睇緊iPhone？」
諗唔到有乜開場白，唯有講句咁膠嘅嘢啦，對比起以前差唔多無時無刻對住，而家被迫分開天南地北相隔八粒鐘又真係好耐。
Q：「呀，你到喇？你…做乜好似咁擔心咁，哦！你梗係驚我想換電話嘞，無呀，只係睇下咋嘛。」
冰雪聰明嘅右女神好似一眼就睇穿咗我諗乜咁…
我：「新iPhone咁靚，係人都想換啦，貴咋嘛。」
唔止妳想，妳估我唔想咩？但高貴優雅嘅iPhone就如同右女神一樣，我負擔唔起之餘配落我身上亦唔多合襯，暴殄天物。




Q：「咪傻啦，而家啲iPhone代代一樣樣咁滯，換嚟貪得意咩，轉data都煩死人，只係前排有人吹iPhone Pro會出紫色，我咪嚟睇下有無囉，頭先個sales話我知原來係啲網民吹水放流料。」
嘩，iPhone都唔夠，重要Pro添！雖然我未用過iPhone，都知Pro唔Pro有乜分別，一個後面兩個窿，一個後面三個窿，好多男人都鍾意身邊嗰個可以三個窿都用勻晒…至於我，算吧啦。
我：「咁即係無紫色？」我知佢鍾情紫色。
Q：「無呀，以後都唔會有，好傷心，你就開心啦，但你放心，就算佢出我都會自己諗辦法，唔會要你送畀我嘅。」
我：「欸，又唔使講到咁，但iPhone Pro好貴㗎喎，妳唔好又諗埋啲奇怪嘢嚟賺錢…」
以前喺街場蒲開，聽過好多PTGF嘅入行理由不外乎係阿媽做手術要錢，又或者細佬妹要交學費，諗下都知係大話嚟，香港有十二年免費教育㗎嘛；實情通常係一為咗iPhone，二為咗包包，三為咗要賺錢畀條仆街冚家鏟撚樣男朋友使。