為了實現媽媽遺願，我成為了女兒國唐僧: 612

QQ講過佢條校裙開始短，其實係已經好短，短到隨時都會俾人捉，我下面望上去見到七成大髀；而Yvonne呢，都唔可以話長，一早就講過女神都係招搖校服特別小布，但佢無QQ咁過份，望到一半大髀啦；至於Zilvia就最乖乖女，係及膝嘅，估計佢屋企人有嚴格嘅規定，而佢自己亦都好驚男仔鹹濕嘅目光。
所以，我望咗幾眼之後就低頭地上霜。
其一，QQ喺屋企本來就任我睇，雖然喺學校䚎佢係別有一番風味；其二，Yvonne腹黑毒舌，萬一佢擰轉頭發現我昅緊裙底，一定會盡佢所能聯同QQ對我口誅筆伐批鬥，我就會吃不完兜著走；其三，Zilvia本來就咁驚男仔，佢點樣睇我其實我唔太介意，但我唔想佢對異性變得更加恐懼，而且QQ事後一定會鬧死我。
今日真係幾熱下，而我返到坐位竟然見到隔籬嘅韻婷無著外套，只係得一條白色校裙，唔通…佢真係放開咗？係就好，我都唔想佢辛苦自己，至於我會唔會䚎到佢啲唔應該嘅地方就隨緣啦，講真嗰句坐隔籬重係咁昅其實好礙眼，而且我對佢又無乜點。
今日有同佢正常交流嘅，而我哋亦都各自同返本來嘅friend食飯，然後話咁快就捱到放學，順帶一提佢嘅兩枚海膽重喺度。
喺屋企等咗半個鐘QQ都未返嚟，個心有啲轆轤轉，因為我哋講過唔會管對方嘅私生活，所以我唯有諗啲無謂原因去send message畀佢。
我：『等唔到妳返嚟就喺度問啦，屋企啲五香肉丁食晒喇，妳食厭咗未？定係想我買台灣滷肉醬？』
小朋友要記住，呢啲罐頭本身就好多味精同鹽，如果要做餸嘅話就唔好再落咁多其他味粉…當然你可以話唔食罐頭就最好，但對我哋嚟講係有少少難度，唔好諗住我每日可以嘥一兩粒鐘整嘢食…
Q：『唔記得同你講，我而家去緊買校服。』佢話咁快就覆咗我，重加咗個可愛嘅伸脷emoji。
我：『哦，咁就好，咁妳夠唔夠錢呀？』


Q：『夠呀，你唔記得我做女僕有兩日人工咩？』
係嘅，但雞膆咁多一陣風就無咗啦。
我：『咁我落去買餸先，等妳返嚟喇。』
至於肉丁定滷肉已經全然唔再重要。
Q：『係呢，有無興趣一陣出嚟搵我呀？』
嘩！QQ佢約我呀！真係好奇怪，明明我哋兩個已經喺屋企日日對住，但每次佢約我一齊出街都會好興奮，加上爹地畀我嘅伙食費多咗，所以都無咁怕出街會好嘥錢。
我：『好呀，咁我去邊度搵妳好？』
Q：『又一城啦，你過多半粒鐘出嚟就差唔多，到咗就打畀我啦。』
係九龍塘呀！唔通佢已經諗通咗要同我去時鐘酒店開房happy下？！點會吖，我哋咁細個，去到唔俾人扳趄就問阿貴，而且真係要做呢啲嘢嘅話喺屋企咪得囉，使乜嘥呢啲錢。
我重記得上次除夕同佢一齊去又一城溜冰…


我：『無問題，一陣見。』再加個OK手勢emoji。
就係呢啲微不足道嘅交流，先至覺得我同佢嘅距離好近，重近過佢坐喺我身邊做功課。