為了實現媽媽遺願，我成為了女兒國唐僧: 588

我：「咁…妳無乜嘢吖嘛？」
Q：「可以有乜喎，係無兼職返咋嘛…」
我：「係咪辛苦得滯，妳捱唔住所以唔返咋…定係妳唔肯做嘢，老細唔使妳返工？」
Q：「乜我似係啲咁嘅人嚟咩，如果樣嘢我識做我點會唔做喎，我邊有咁懶…」佢反白眼咁望住我。
我：「咁我諗唔到喇…一係妳講畀我聽。」
我覺得QQ樣靚身材正，份人又乾淨企理，邊間女僕餐廳請到佢簡直就係執到啦，大前提當然係唔使用貴啲嘅人工，點會無端端唔用佢。
然之後，佢簡略咁講咗畀我聽發生乜事。
我：「哈哈哈！個死肥仔撩妳條裙妳發脾氣？！」
Q：「做乜笑我呀！乜你唔覺得佢好過份嘅咩？！」
我：「係過份…之但係，呢啲地方…我覺得就算俾人摸pat pat都唔出奇啦。」




Q：「你係咪黐線㗎！如果你去女僕餐廳會諗住摸個侍應嘅pat pat？原來我一直同緊個變態住！」
我：「唔係…我唔係話我，只不過呢啲地方通常都只有啲毒撚宅男先會去，全部都餓到飢荒咁，一時忍唔住做埋啲變態嘢係一啲都唔出奇㗎。」
Q：「吖！乜你唔係幫我嘅咩？講到我俾人非禮好似預咗咁，只係好平常嘅一件事，咁重成世界嘅？！」佢好詫異咁同我講。
我：「我係幫妳，但有時呢個世界又真係咁腐爛，妳都識講知道我哋男仔諗乜啦，好多時就係咁不知所謂，如果唔係我都唔會擔心妳返工危險啦，不過妳即場發人哋脾氣又真係會嚇親人嘅，始終妳都係返緊工…同埋妳本身打咗底，咦…條打底褲呢？」
我手多多揭起咗佢條裙，只係發現佢入面有一條好可愛嘅底褲…嗱…唔好話我扮熟非禮佢呀，雖然佢周不時都剩係著住底衫褲出現喺我面前，但我又唔會咁衰仔調戲佢嘅，我真係諗住佢入面係打底褲先貪得意揭佢裙底。
Q：「喂！喂呀…咁…人哋換返平時去街衫咯，咪…除返條打底褲囉，喺街成日焗住好辛苦㗎嘛。」
QQ塊面突然變到好紅，奇奇怪怪咁…平時都畀我睇晒㗎啦，唔通俾人非禮完就喺度扮矜持？佢咁樣都搞到我好似做錯事咁唔好意思，即刻放返低佢條裙。
我：「妳…原來咁鍾意啲風吹入去涼浸浸嘅感覺，難為我哋啲男仔夏天由朝焗到晚…」
Q：「你估我唔知咩…咪罨到入面臭肨肨囉！」
我：「其實夏天我一個人喺屋企係鍾意大解放…」




Q：「你咪解囉，又唔係未見過，無人想理你！」
我：「又唔使，咁樣好失禮，入面唔著底褲已經好好多，係返學嗰陣先最辛苦啫。」
Q：「唓，扮晒嘢，明明你自己先係最變態，不停諗衰嘢嗰個…你大解放重好呀！等我睇到你條尾幾時郁，咁我就識防備。」