thriXt Qantasy 純文字安眠之作 (New: - U2K - 一直上架): 589

話雖QQ經過人事啫，但佢呢方面又係咪確實咁開放呢？話晒佢都係個企理肆正嘅女仔，喺佢面前亂嚟似乎唔係太好，如果係Carmen咁就話啫，既然大卡車最鍾意攞對大車頭燈出嚟搖曳生姿，招搖過市，我又點可以唔放枝波棍出嚟配合返佢戳兩嘢，推高波踩行佢油門…
我：「無囉，我諗嘢…都只係正常等級嚟，而且我更加唔會用筷子撩起妳條裙嚟睇。」
Q：「係呀，你用手直接揭咋嘛！懶得同你講。」
QQ…妳唔係真嬲吖嘛，我無心㗎。
Q：「好攰…我去沖涼先…」
結果，佢又喺我面前寬衣解帶，袒pat露背…乜事喎，妳自己畀我任睇就無問題，同妳玩下就喺度扮嬲，都唔知搞乜鬼；明明同妳住埋一齊幾個月，我都無做過任何傷害妳嘅事…有嘅，都係經妳同意，一齊心跳加速嘅互動，我…只係想妳開心。
如果唔係我忍住，一早…妳都反抗唔到，可能會逆來順受，以妳一半曳曳地嘅性格，我唔信妳會死命咁拒絕我。
唉，真係夠晒鬼混！
Q：「點呀，睇咗咁耐，有得鬼混未？」
QQ佢沖完涼出返廳，又只係著住一件真空短袖T，下身就換咗第二條底褲；其實我一早就預計過天氣回暖佢會養眼到爆，當然我係好想睇，而我亦都唔係未睇過…但如果係咁昅住佢，又唔多唔少都會有啲尷尬，我亦唔想成日搞到自己下面有反應俾佢批鬥。




我：「睇到…佢兩個去咗深山嘅小數民族地區探險，研究降頭巫術，有啲曖昧咁…阿寶佢忍得好辛苦，但又唔敢亂嚟，衛斯理就喺度食花生…」
睇完半本，其實唔太知講乜，只係知藍絲有巫術護體唔可以對佢亂嚟，我心諗…摸下都得掛。
Q：「一早講咗你，係要睇到咁後，我又未睇過，唔識幫你呀，以為人哋真係會寫鹹書咩。」
我：「是但啦，寫下巫術降頭，都夠交功課嘅。」
而我，只係好想知道佢兩個後面會點，有無香豔鏡頭，因為文字描寫到藍絲都著好少布好正咁。
Q：「唔理你，我今日好攰，上床抖下先。」
我：「咁我幫妳熄燈啦，好好瞓返覺。」
Q：「你唔係睇緊小書咩，咁黑點睇？」
我：「我坐廚房門口睇咪得。」
Q：「不如…我哋謦下欬？」




我：「呀…好嘅…」我坐咗喺佢床尾。
其實…我哋成日對住，都已經由朝謦到晚，不過佢而家好似有啲嘢想專登同我講咁。
我：「點呀，妳係咪重係因為今日件事唔開心？」
Q：「你坐到咁遠做乜喎。」