為了實現媽媽遺願，我成為了女兒國唐僧: 550

「嗱，阿妹，而家偷偷話妳知，其實十六歲就已經算係大人㗎喇，可以飲酒！」
「係呀，賣畀妳嗰個就犯法，但其實妳可以飲！」
Q：「但係，我得十四歳㗎咋…」一副楚楚可憐樣…
「乜話？！十四歲？咁亭亭玉立得十四？」
「唔係呀化？點解我個女只係細妳兩年個樣重成個小學生咁。」
「阿妹，妳咁細個點可以半夜三更出嚟接嗰個契弟收工，係咪條友蝦妳，教壞妳？如果係就等我哋幫妳收拾佢！唔使驚㗎。」
Q：「唔係呀…無呀…我同佢friend得滯啫…」
「妳咁樣好易蝕底俾人㗎，呢個年紀嘅男仔係豺狼嚟，係野獸，好危險㗎！」
「妳咁樣爸爸媽媽會膽心妳，夜鼆鼆走出嚟。」
我想問…你哋有乜資格咁講…




Q：「放心啦，我唔會俾佢亂嚟，佢唔乖我就會咬死佢，屋企人都知我去邊。」
「咁阿妹妳平時鍾意飲乜㗎？」
「我平時飲zero多。」
「嗱，妳而家過去攞多罐zero，叔叔請妳飲。」
十二蚊罐zero，諗起都貴…於是QQ就過去雪櫃攞多罐zero，亦都好識做咁幫自己斟咗一杯。
「好！今人咁開心，我哋就嚟乾杯啦！大家一齊跟我講！曼聯萬歲！」
有時覺得，賭錢贏咗嘅人就會變得傻更更，跟住啲錢就會好似倒水咁唔見晒。
「萬聯萬歲！」…
「阿仙奴萬歲！」
「阿仙奴萬歲！」…




「即場波膽萬歲！」
「即場波膽萬歲！」…
「全靠靚女Queenie一嚟到就帶挈我贏波，為Queenie而乾杯！飲！」
Q：「飲！」我開始幻想到QQ做啤酒妹會點嘅款。
然後成班傻人就舉杯暢飲，就連QQ都一飲而盡。
「掂呀！阿妹女妳豪氣干雲！唔似得啲執枱仔咁廢柴，嚟吖，拮塊鮑魚食！」
Q：「多謝咁多位uncle…」
有好嘢食，QQ當然唔會放過，攞枝牙籤就拮起咗塊鮑魚頂蓋嚟食。
「太可愛喇！靚靚妹妹食鮑魚，呢個畫面實在係太賞心悅目，睇到流口水！」
「喂！你醉喇，講乜嘢教壞小朋友嘅嘢呀！」




「呀，你執完枱喇咩，做乜走過嚟？」
我：「係呀，執晒喇，剩返你哋最後一張。」
「你唔係夠膽催我哋走呀！新年有封齊利是畀你㗎！」的確係，而且重未使晒。
我：「點會呢，你哋慢慢飲啦，唔急。」
「你！溝唔到女！無J用，唔使指擬食鮑魚！」
「無鮑魚食！鮑汁都無得你舐！你食自己啦！」
「交叉仔，你返印度吔蕉啦！」
酒精使人瘋狂，鮑魚使人…高漲。