為了實現媽媽遺願，我成為了女兒國唐僧: 397

我：「妳咪繼續做sit up囉，我都可以幫妳。」
Q：「唔得呀，要做有氧運動，出汗嗰啲…我好想玩跑步機同單車機，重有艇機。」
我有啲想講，其實做愛都係有氧運動嚟㗎…如果妳嫌煩唔想去搵妳條仔，我都唔介意同妳一齊體力勞動下嘅，出少少汗增進下大家感情未嘗唔係一個好選擇，但擔心小命不保嘅我當然唔敢講出口…
我：「嗰啲機…最平係去康文署度玩，不過要報course先手續好麻煩。」
Q：「唔啦，聽聞又迫又多大媽…唉，講起就好想同Vienna去溜冰。」
我：「Re…Anna？乜我哋form有女仔係呢個名咩？」其實我唔係變態到記得晒全form女仔啲名，亦唔似得隔籬貴族學校花花公子flirt女王係咁問人攞電話咁厚面皮…只不過，喺佢哋圈中我都未聽過呢個名。
Q：「唔係同學嚟㗎，係你第一次睇我週記入面寫溜冰好叻嗰個女仔。」
我：「哦，咁妳咪約佢玩囉，溜冰又唔算好貴。」
Q：「唔喇，我而家咁樣，唔係幾敢搵佢。」
我：「怕乜喎，人哋又唔會查妳家宅嘅，玩一日啫，妳咪去使下錢囉，我應該都負擔到。」




Q：「就算係…我都唔捨得，可能入去Tea WG坐下又唔見百幾蚊，留返嚟同你使，啲錢好使好多。」
我：「妳鍾意囉，但…妳都會同Yvonne佢哋出去玩吖，其實無乜分別啫。」
Q：「咁喺學校社交係有實際用途吖嘛，唔通我突然之間話唔同佢哋出嚟咩，加埋佢哋幾個同Vienna都重有啲距離，唔會話使錢使到離晒地。」
我：「咁我就唔會介意妳慳錢嘅，妳自己安排到就得。」聽完之後我都想瞭解下佢呢個朋友有幾離地。
Q：「唔緊要啦，佢中三成績都應該好緊張，平時又成日唔得閒，咁佢都無搵我咪算囉，我無理由自己搵啲問題嚟煩嘅…呀，係嘞，不如我哋去跑樓梯吖，喺自己棟樓應該安全喇掛？」
我：「應該就安全嘅…以我記得，係無同form嘅住喺呢一棟，唔同form嘅就有三個，都係唔熟嘅，而且住高層，按道理就唔會行樓梯。」
Q：「好啦，咁我哋快啲換衫，跑幾多層好呀？」
我：「吓…我都要去跑呀？」
Q：「梗係要啦，如果唔係我喺後樓梯俾人強姦係咪你負責呀？你唔係唔知啲變態佬最鍾意喺公屋後樓梯度出沒㗎啦！」
我：「妳就唔驚其實嗰個變態佬就係我嚟咩？」




Q：「咁我…小女子唯有逆來順受，慾拒還迎，以退為進，委曲求全，扮到好無辜咁含住你條嘢，再一口氣咬斷佢吞埋落肚！」
惡魔…女魔頭…聽到佢咁講重邊有心情非禮佢，佢重要擘大個口咬下咬下扮到咬牙切齒咁，彷彿我小雞雞已經傳嚟不存在嘅痛楚，繼而滴出冷汗。
我：「咁換衫啦…唔同妳玩喇。」