為了實現媽媽遺願，我成為了女兒國唐僧: 398

換衫嘅嘢我其實好hea，著返學校條PE褲同對白跑鞋就得，反正件Tee都係要洗，咁樣就啱啱好；如果唔係因為我入面無著底褲嘅關係，我可能想褲都唔換著返條瞓覺波褲就算…自己屋企門口使乜搞咁多嘢，呢啲公屋時不時都有師奶著住件穿窿屋企衫，拂住對連蒂木瓜喺後樓梯晾被㗎啦。
相反，QQ就打開咗佢個喼（喵按：正字為篋，因新造字合音傳神亦被廣泛使用故喼也），左摷右摷攞咗啲嘢出嚟，然後喺我面前除衫褲…當然係背對住我嗰隻啦，大家都慣晒。
首先係除褲，嗯，靚靚…然後著咗條淺灰色嘅yoga pant，又薄，又透，又貼身，明明成日睇到佢條底褲，但隔住條pant睇到啲底褲痕就更加有韻味，而且始終都叫著咗褲所以我唔使咁避忌望到實一實；然後到上身衫，咁佢本身入面就係真空…跟住佢笠件粉藍色背心sport top落自己度，後面就係交叉帶同有少少白間點綴；最後再伸手tune下自己啲波肉褪落件top入面，我好鍾意睇佢呢個動作。
我：「點解無飛釘嘅…」
Q：「低B仔！有pad㗎…乜平時無畀你睇咩，使唔使而家先走嚟昅我呀？」
我：「咁件衫靚吖嘛，咪望多幾眼囉。」
其實對一個男仔嚟講，少布同貼肉就係靚嘅衫…
Q：「咁我個人靚唔靚先？」佢褪後咗一步，微微分腿企叉住腰問我，成個sporty廣告女model咁。
我：「靚，非常靚，當然靚，一定靚，不過…」
我望住佢嘅身軀，要樣有樣，要身材有身材，皮膚又好，胸有胸形，pat有pat形，大小腿就好似一體成形咁，修長得嚟又有返啲肉配合得好好，加埋條腰，同粒深邃嘅小肚臍…我諗，呢粒咁靚嘅肚臍仔平時嘅作用一定包括載住啲精…好似水塘咁。




我：「不過最靚都係個肚仔，一定係臨瞓食蝦餃食出嚟，白裡透紅。」我冒死用手指㧻落佢肚臍附近啲baby fat上面，手感可以話係爽夾滑！
Q：「行啦！鹹濕仔！」
佢一嘢好大力拍落我心口上面，好彩小弟與生俱來HP同def值都比較高，所以無事！出發！
我：「妳真係就咁著就得㗎喇？」
Q：「今日廿度都唔止呀，而家重有啲太陽添。」
我：「我嘅意思係，妳以前都係著到咁落gym room？會唔會正得滯？」
雖然我未去過gym room，但都知道大概係點嘅，如果有條好似眼前QQ咁正嘅女仔日日去做gym，我都唔介意食少好多餐飯慳返一千幾百去做一個月gym，聽聞學生去重可以有折添。
Q：「唉，嗰啲私人屋苑健身室又唔會有變態佬嘅，有好多正過我嘅姐姐剩係著住Bra top都係咁，幾時輪到我吖，怕嘅咪著多件T囉。」
我：「咁妳而家唔怕咩，後樓梯有機會有飛仔。」
Q：「怕乜，有你保護我㗎嘛，乜你…唔係喺屋邨後樓梯打架嘅長勝將軍嚟嘅咩？」




佢講完就一下拍落我左手手臂上面，彷彿…我個已經痊癒嘅傷口重有少少痛咁，想畀姐姐呵下。