為了實現媽媽遺願，我成為了女兒國唐僧: 348

咦，又真係喎，自己都無為意添；因為顧住專心同佢謦欬，就算講埋淫嘢都好，個心無邪念攪佢原來就唔會硬；明明佢都係著住同一套校服，個心口都係咁脹卜卜，而我竟然無諗過要伸隻手入去；我同佢咁耐無相處過絕對唔會係因為之前揸到厭咗，睇嚟係真係我變咗。
我：「Carmen姐姐，其實妳有無鍾意過我㗎？」
聽到我呢條問題，佢個表情好似跳咗線咁。
C：「喂…做乜…問埋晒啲咁尷尬嘅問題？」
我同架車嘅關係，就係去到可以口沒遮攔咁講啲汁液，器官，正常人聽到都覺得變態嘅嘢；但係，一返返去呢啲正經話題，氣氛反而變得尷尬。
我：「因為我想知囉，妳從來都無答過我。」
C：「哈，你個死人交叉仔係要迫我㗎喎。」
我：「有乜迫唔迫喎，就算妳無鍾意過我…都無乜嘢，其實…妳已經對我好好。」
喺我同佢哋一齊嗰陣，我係無乜諗過佢哋究竟會點樣睇我，又當我係乜；當時我覺得有得玩就夠晒，個女仔都除晒衫畀你睇畀你摸畀你攪畀你食，咁唔係已經好夠喇咩？普通情侶就係咁㗎啦，重要細分啲乜喎…
但直至細蚊突然消失我先喺度反思…我都知自己唔係乜嘢正菜，一齊都係為咗過下日晨，但都唔使咁樣聲都唔聲直接轉會過檔搵第二條仔呀，我係咪真係咁仆街活該俾佢咁樣對待？咁一直以嚟佢又當我係乜，為咗乜同我一齊，有幾鍾意我？




而呢啲問題嘅答案喺呢段日子同細蚊嘅交流之間已經解答咗。
但係呢，Carmen姐姐始終都係一個謎嚟，我自知無能力控制佢同影響佢，但都想知道佢嘅心意；當時佢話搵到男仔話走就走，連一絲眷戀都無，就算我預咗唔會同佢長久都感到愕然。
C：「呢個問題，鍾意都分好多個層次，一個人總有你鍾意嘅地方，亦都有唔鍾意嘅地方，你要知道，你細我咁多，有好多感情我都唔知可以點樣投放喺你身上，更加唔好講安全感同未來…」
我：「嗯，我明白。」
C：「不過呢，我都好感恩可以識到交叉仔你，同你一齊嘅時間確實係好開心，其間相處嘅回憶都好令人回味同珍惜，無論係以前定係而家，我都一樣咁重視你，至於你條問題，就要視乎你『鍾意』呢個字眼係用邊個角度嚟睇嘞。」