為了實現媽媽遺願，我成為了女兒國唐僧: 347

我都估到係關於呢一樣嘢…
我：「咁樣呀…我係咪好衰…」
C：「又唔可以咁講嘅，以佢而家嘅情況，點會可以剩係同你玩吖，佢都唔係呢種女仔嚟。」
我：「係呀，我都唔想再令任何一個女仔傷心。」
C：「感情無得迫嘅，我知道Queenie係好吸引，而且又同你住埋一齊，你實諗住近水樓台先得月。」
我：「邊有咁易喎，佢一日唔係單身我都唔會衝動，只係我同緊個女仔一齊住，重有乜資格同第二個女仔玩，如果要認真，我心入面又有另一個女仔喺度，重要日日對住，咁樣對細蚊太唔公平。」
C：「你都講得啱，咁嘅情況玩玩下實鬧架，到最後就盞一齊唔開心。」
我：「放心啦，我同細蚊無乜嘢，會繼續當佢係好朋友，希望可以彌補返以前嘅錯啦，Carmen妳都要喺學校好好睇住佢，唔好俾啲壞男人接近佢。」
C：「咪傻啦，我就last day㗎喇，讀書又讀到得返半條人命，點睇住佢喎，佢經過咗咁多事都唔係細路女嚟啦，要自己執生，你就真係唔好再hurt佢呀。」
我：「唔hurt佢…即係如果佢好想同我喺返埋一齊，我唔通就要…」




C：「唔係，對一個人好，唔等於就要喺埋一齊㗎，愛呢樣嘢好睇感覺，感覺唔係話想有就會有，剩係講個想字嗰啲係慾望唔係叫愛，你自己參透下啦，我諗細蚊佢都唔會諗埋一邊。」
聽姐姐講嘢有時真係會一頭煙，感覺呢啲嘢睇唔到，分分鐘連自己都唔知自己想點，同啲肉眼睇到感覺到有高潮做出嚟嘅愛好唔同；迷惘嘅我睇怕就參透唔到啲乜，但如果你話二揀一就一定揀QQ，呢個答案會唔會令細蚊好傷心…不過QQ又唔係我嘅，咁落去好可能要怐到一日我對厭咗QQ先會扚起心肝去同第二個女仔拍拖。其實如果我大富大貴嘅話係咪可以兩個都要晒，係又唔拘。
呢個時候我已經幫Carmen善後完，佢亦都坐返起身，排清毒素嘅佢喺度望住我笑。
C：「真係好唔慣變得咁正經嘅你，瞓你大髀都可以唔硬，重要無手多。」