為了實現媽媽遺願，我成為了女兒國唐僧: 334

其實以前我都唔會話好著緊自己讀到乜科，想就梗係讀理科啦，但入唔到都唔會話乜嘢嘅，反正我又唔係鍾意讀書；但自從QQ嚟咗之後我就有個目標，只要我同佢揀嘅科可以相似，基本上就七成以上機會同班，前提係我要有資格做揀嗰個，而唔係俾人當人球踢嗰個。
健：「係呢，點解…好似呢排完全唔覺你溝女嘅？」
我：「抖下吖嘛，返學都有假放，波馬都要抖暑啦，我諗…等埋分班結果先，暑假就會回歸！」
健：「咁都得，真係服咗你…定係…你冧咗Queenie呀，點會人哋講一句你就報晒三個項目？」
我：「無呀…咪玩啦，呢啲串串貢嘅女人，而且重要有仔，冧佢嚟托咩，我先無咁傻仔。」
唉，佢哋嗌我哋做傻仔，我哋咪又叫返佢哋賤女人…但事實上我同QQ暗地裡都唔係咁。
健：「好想知佢同你講咗乜，好似喂咗春藥畀你咁，點呀，係咪攞到金牌就送張裸照畀你打飛機？」
我：「諗下都知無可能啦，揸住佢張裸照重唔勒索佢上床咩…而且金牌呢啲又點會輪到我哋喎，不過佢咁臭串又大口氣咪同佢玩下。」
健：「係打賭？賭乜呀？酒店Buffet？」
我：「咁佢都係我friend嚟，要靜靜雞講嘅我都會幫佢保密嘅，但你唔使諗埋啲無可能嘅嘢喇…雖然佢把口係衰啲，不過唔計呢樣都幾好玩嘅。」




健：「唉…我都想有女仔friend同我玩，臭串啲，賤港女啲都OK㗎，唔好當我水魚謴就得。」
救命，嚴格嚟講你已經俾佢謴咗幾個skin…就係咁，佢返佢嘅屋企，我去我嘅百佳入貨。
嚟到PARKnSHOP呀，買乜撚嘢好呀？
杜蕾斯呀！杜蕾斯！護舒寶呀！護舒寶！
潔廁duck呀！潔廁duck！蘿蔔糕呀！蘿…欸…原來已經俾人掃晒，得返半價年糕三十蚊一底；嗯…呢樣嘢食第二次就會好厭，所以果斷放棄。
呀，大家有無玩過麥當勞枚？以上係我自行修改版嘅仆街超市枚，有興趣嘅就攞去自用啦，至於啲動作就…我諗大家心領神會到，唔好扮嘢。
新年最緊要有嘅藍罐狗餅當然有得平，由九十幾蚊罐跌到落六十幾，不過藍罐確實幾悶下，所以我就將四十五蚊嘅黑罐放落購物車；以前QQ大富大貴要乜有乜當然唔會睇得起呢啲狗糧，但而家世風日下我諗佢見到都會開心嘅；自從識咗佢之後我講嘢都用多咗四字詞，係咪好叻呢？