為了實現媽媽遺願，我成為了女兒國唐僧: 320

我：「唔好！我非常樂意犧牲自己去幫妳攞入面隻公仔出嚟嘅，不過話時話，妳唔會送朱古力畀男朋友都係送zaini蛋咁hea呀？」
Q：「係呀，有乜問題？咪一樣都係朱古力。」
我：「佢唔係又係hello kitty呀？」
Q：「放心，唔會，佢揀咗marvel。」
我：「妳咁樣佢會唔會唔開心㗎？」
Q：「乜鬼唔開心呀？佢敢！？今日已經畀佢…中出咗兩次喇，重想點？！」
我：「吓…咁勇，妳唔驚出事呀？」
Q：「少少驚啦，不過我period都準，今日應該算係好安全嘅…」
我：「妳唔好有事呀，我幫妳唔到㗎。」
Q：「又唔係要你負責，你咁驚做乜？乜你未試過中出人哋㗎咩？」




我：「咁又…試過嘅…」
Q：「咪係囉，自己做嗰陣就大無畏，到事不關己嘅時候就嚟旁觀者清，服咗你哋。」
我：「咁今日玩得開唔開心呀？」
Q：「OK啦，算係咁，起碼我有禮物收返。」
我：「咁呢個我都睇到嘅。」
Q：「重講，快啲返屋企啦，做乜要一齊喺度吹風。」然之後佢拖住我隻手拉我返屋企…
呢種感覺，夠晒百感交集。
喺情人節夜晚，我拖住人哋條女一齊返屋企，收住同人哋一樣嘅情人節禮物，就係三隻唔可以獨吞嘅蛋；當然對人哋嚟講，真正嘅情人節禮物應該係佢嘅身體先啱，啲朱古力蛋攞嚟玩嘅啫。
重有Angel姐姐，我…其實唔知自己想同佢點，除咗想同佢玩之外…亦衷心祝福佢之後會過得好嘅，佢點都算係一個好女仔。
至於QQ份情人節禮物，就係一條銀頸鍊，估計同佢條手鍊係同一間公司嘅出品，中間有個心型嘅吊墜，上面有啲碎石，喺側邊又放咗兩粒charms，分別係英文字母嘅Q字同N字，即係Queenie嘅中文名同英文名嘅縮寫。




要講佢原名嘅話，又係比較特別，可以話同我老竇一樣咁惡攪；佢中文名叫茜旎，但英文串法就係中西合璧，茜字取國語拼音Qian，而旎就取迪迪尼入面嘅Ney…我諗全香港都無幾多個人會用啲咁嘅方法嚟改名，曾經有先生問過佢係咪台灣人或者東南亞華橋添。
所以順理成章佢英文名就叫Queenie，中英拼法縮寫都係QN，變成咗佢頸鍊上面兩粒字；至於襯唔襯呢，就見仁見智，我覺得唔係幾夾重有少少奇怪。重有一點我諗起嘅係Angel心口兩粒字都係男仔個名加個心，但QQ就係自己縮寫而唔係男朋友名，咁係咪即係話佢自戀。