為了實現媽媽遺願，我成為了女兒國唐僧: 321

酒樓返屋企條路好短，所以只係拖得一陣手就要放開，不過無所謂啦，有佢嚟接我其實好開心。
我：「係呢，妳同男朋友玩到咁夜呀？」
Q：「嗯，返到嚟都已經十一點幾，經過酒樓咪睇下接唔接到你放工囉，點知等咗幾分鐘你就出嚟，重好似壞咗你好事添。」
我：「邊有好事喎，最多咪制止咗我做壞事。」
Q：「無人叫你諗衰嘢喎，個姐姐睇落都好正常，同佢試下無壞吖，你又唔係第一次同姐姐一齊。」睇落正常囉…Carmen睇落都係㗎。
我：「我…唔識得一路養住個女仔，一路同第二個女仔拍拖，咁樣好對佢唔住。」
Q：「係我錯囉，搞到你單身，去沖涼先。」
佢就咁喺我面前拉起條長裙抽出嚟…
我：「無嘅，我覺得而家咁樣幾好吖，反正咁細個拍拖都係玩玩下㗎啦。」
如果同其他女仔一齊我諗都會繼續玩玩下嘅心態，但對住女神我玩唔落手，就算唔係一齊我都已經自膠認真起上嚟；呢個時候QQ身上得返件背心底衫，Bra同埋底褲，重有一條黑絲，當然朝早已經睇過晒而家又算得係啲乜吖。




我：「條頸鍊幾靚吖。」
Q：「條鍊本身係幾靚，走簡潔style，不過加咗兩粒英文字母就變得奇奇怪怪，呢個牌子出啲字母比較生硬無乜特色，唔多襯粒心。」
咦？原來女神睇法同我差唔多喎，估唔到我都有返少少美學常識；其實作為一個男仔可以咁樣聽到女仔嘅心底話係好難得，好彩佢條仔唔會聽到，否則一定會成晚唔開心，轤轆轉瞓唔著。
我：「咁，將兩粒英文字搬去手鍊度囉。」
Q：「呵呵，正有此意！」佢講完就開始除條鍊出嚟，然後試圖拆開佢。
「鈴…鈴鈴…」
Q：「哎唷，係喎，唔記得咗話返到屋企打返畀佢添。」然之後女神就火速咁未沖涼就瓹入被竇同人哋謦電話。
我喺枱面執起佢條頸鍊，拆咗兩粒字母出嚟，再穿落佢條手鍊入面原本嗰三粒嘅兩個空隙之間，都幾靚嘅，原本三粒又係心心同情書嗰啲，咁樣夾住佢個名都幾有feel。如果第時我又想送粒畀佢應該送乜呢？K生個女唔通要送埋個K字畀佢？佢呢個名真係夠晒QK，加埋隻J就夠玩三公。
唔知三公係乜？去酒樓返下兼職，就會識玩射龍門，廿一點，三公…甚至係潛烏龜。
Queenie…雖然我好清楚佢今日做咗啲乜，但我一諗起啱啱眼前滑嫩嘅軀體，喺情人節畀男朋友肆意咁撫摸，雙手喺每一串雪白嘅肌膚上遊走，扯低佢條四分透嘅黑色絲襪，逗弄到肉體上面最敏感嘅地方，以至進入佢嘅體內，重留低咗啲細胞喺入面，簡直就係…