為了實現媽媽遺願，我成為了女兒國唐僧: 232

Q：「死仔包！你開閃光燈！」
我䁽咗一眼幅相，佢個樣嚇到變晒，下面雪白大髀又閃到爆晒光，脹卜卜活靈活現真係非常奇怪，好似重有少少唔應該彈出嚟嘅嘢喺度杯弓蛇影。
我：「見你仔仔平時望到霧裡看花咁，等我send幅原圖畀佢慢慢J先，首先打開WhatsApp…」
Q：「喂！作死你呀！打扁你！踢死你！」
QQ伸咗佢隻赤裸嘅臭腳出嚟撐我塊面，踢我下巴，其實都有用力所以幾痛下，但唔知點解我又幾受落喎，而且重諗返起Carmen姐姐。
我：「喂…唔好踢喇，一陣跌爛部iPhone就大鑊。」我用左手一嘢扣住佢右腳踝抬起，佢即刻發唔到力，至於個裙底呢…就，唔提嘞。
Q：「唔準搞我部電話啲嘢呀！」
我：「講笑咋，傻妹，我要整蠱妳都唔會等到今日啦，冷靜少少…」
我順手tune返好佢隻腳平放拍返埋，雖然我係好想睇，但再望落去係真係會出事。
我：「個太陽就到底喇，海平面啲顏色好靚，我幫你影多幾張背光剪影吖！」QQ點頭。




於是乎我褪返去塊石嘅後面跪埋上去，QQ都知道我想點影，於是打側坐，拉起埋條裙去身後，等我剪到佢對美腿嘅影出嚟，至於裙底呢個問題就已經唔再重要喇；等我較返低個exposure，拉大個contrast，個天返去執就好易嘅啫，睇嚟我都幾有影相天份㗎喎，不過model咁出色就點影都靚啦。
我：「不如妳背對我坐，右手伸直向天，左手放頭頂拉住右手吖。」
我講到一嚿嚿，估唔到佢又即刻知我想點。
又剪多幅，連帶埋嗰幾枝煙囪。
我：「Queenie，睇下影得好唔好？」
Q：「嗯，非常好，夠用喇，可以貼足一個禮拜…呀欸…乞嗤！」
我：「係咪凍呀？就嚟無太陽，呢度又大海風…」
當然重有佢頭先拉高咗條裙，強風呼嘯呼嘯咁吹晒入去佢嘅髀罅度，唔凍就奇…
Q：「少少啦…」
我：「咁我哋不如行返去大街？」




Q：「但我想喺度睇埋日落呀。」
我：「咁…好啦。」真係任性小妹妹。
Q：「抱住我。」
其實…我同佢都抱過唔知幾多N次，再抱當然無乜所謂，我平時就唔會無端白事咁攬住佢嘅，不過嘅然佢叫到咯，畀啲溫暖佢係必需嘅；所以我就喺佢身後面坐低咗，擘開隻腳夾住佢個人，心口貼住佢嘅背脊，雙手攬實佢條腰。
好彩冬天咋，如果夏天佢著得小布我都唔知可以點忍，忍到望住個夕陽發白日夢遺落在石頭上都似…
我：「其實我哋咁樣，會唔會唔係幾好？」
我都唔知點解會衝口而出咁問佢，可能望住落日西沉個人特別感觸，有啲嘢想同佢謦下。
Q：「我想俾男人攬住。」