為了實現媽媽遺願，我成為了女兒國唐僧: 233

無諗過佢會咁答我，聽到我都唔知點樣好；言下之意，係男人就得？我應該多啲抱住佢？
Q：「唔使諗咁多喎，就好似你哋見到靚女就會想望一樣，我都係個普通嘅女仔，會享受男人嘅愛護。」
我：「嗯。」
我哋無再講啲乜，我雙手扣到佢更加實，大約去到下胸嘅位置；塊面貼住佢膊頭，然後…惜咗一啖落去佢條頸度，佢無反抗，亦無乜動作，繼續遙望夕陽；暫時嚟講，我剩係敢做到咁，如果…我有能力可以令妳幸福…
喺某粒cosplay月餅饀料嘅恒星經過發電廠兩枝煙囪中間好似粒欖球咁跌落海嘅時候，有啲唔應該嘅嘢就採取咗相反嘅行動而昇起咗…
Q：「點解…我身後面有枝煙囪頂住我嘅？」
如果企喺度，都話可以縮下個pat pat避開，但咁樣坐喺度抱實，如果我郁來郁去佢都實知乜事，反正都係樣衰…
我：「對唔住呀…Queenie。」
Q：「睇嚟都係我嘅錯，鬼叫我媽咪生到我咁正。」
我：「係囉，我要好好多謝佢至係。」




我無縮開，反而更加緊咁貼住去，頂到下面好似撞牆，乜嘢忽撞棍咁，我嘅理智開始崩塌。
Q：「睇嚟你好有需要發洩咁喎。」
我：「不朽都有㗎啦…呢啲需要嘅話。」
Q：「咁快啲嚟啦，唔好忍喇。」
我：「吓…妳想我點呀？」
Q：「自己嚟啦，唔係要我幫你呀？」
我：「點得喎，呢度有人㗎，俾人見到點算。」
Q：「有乜人，太陽落山都走晒咁滯啦，沙灘上面都係剩返一對情侶咋嘛。」
我望過去，又真係得返一對望落廿零歲嘅男女，又係攬埋一嚿，又果唔望清楚都分唔到係兩隻生物嚟。
我：「咁佢兩個咪係人嚟囉。」




Q：「咪玩啦，人哋鬼得閒理你，可能嫌緊我哋阻住佢哋喺沙灘度扑嘢咋。」
佢講埋啲咁嘅嘢搞到我更硬，個末鞘開始不由自主咁抖動，勃下勃下咁頂落QQ個屁股後面。
我：「妳嘅推斷都好合情合理嘅。」
Q：「哦，定係你驚我喺度咋？」
我：「都係嘅，少少啦…」
Q：「服咗你，一齊住咗咁耐都唔化嘅。」
我：「咁你想點喎，係咪要我喺度…強行將妳…妳先安樂？」
Q：「咁又唔好…」佢隨即用雙手護胸。
Q：「哎呀，你喺塊石頭側邊乜嘢咪得囉，遮住無人得閒睇你喇，我喺上面瞓低抖下就得，你唔好忍到頂爛龜頭呀，咁樣我重怕咗你。」
有邊個可以有機會聽到女神喺口中爆句咁嘅嘢出嚟？唔係佢男朋友，唔係佢啲好姐妹，竟然係我呢個無關痛癢嘅死仔包。




我：「但係…我驚妳會凍親喎。」
Q：「唔會，你抱完我之後好暖喇。」
暖，唔係因為我抱住佢，而係我哋嘅心連埋咗。
我：「QQ…」
Q：「又點呀…」
我：「想問妳有無紙巾呀？」
Q：「你係咪黐線㗎，你整多嚿紙巾出嚟咪又再多一件沙灘垃圾，定係…你唔係變態到想帶埋自己啲子孫走呀？」
我：「嗰邊…更衣室隔籬有垃圾桶。」
Q：「你都黐…黐…黐線㗎！你啲公德心唔該攞嚟以後放喺啲女仔上面啦！」
我感覺到佢想用啲更powerful嘅詞彙嚟屌㞗我，但相信係因為佢都覺得太粗俗而吞返落肚，呢一次…係我覺得俾佢鬧得最應棍嘅一次。
Q：「射咗出嚟，啲蟹仔…蟲仔會執嚟食㗎啦，擔心埋啲無謂嘢，服咗你。」
我：「點解妳可以講得咁變態嘅？」
Q：「係呀，你食啲蟹籽魚籽雞蛋嗰陣重變態呀。」
我再一次完美咁俾佢KO。