為了實現媽媽遺願，我成為了女兒國唐僧: 200--兀凳

無嘢值得紀念嘅二百章，無端端廿萬字，多得你哋…

今日中文堂教桃花園記，簡單嚟講就係有個姓陶嘅傻仔不務正業，對社會不滿而避世走去遊山玩水，賦詩飲酒作樂；小弟對佢嘅作品當然就不大感興趣，但佢嘅生活態度我又好buy喎，同我一路上堂一路魂遊太虛恰如異曲同工之妙；浩浩乎如馮虛御風，而不知其所止；飄飄乎如遺世獨立,羽化而登仙，就正好描寫出我而家嘅心理狀態。
我喺度諗…嗯，就算淨係喂飽QQ都唔得嘅，就算電話唔壞，啲衫都會舊，校裙都會越嚟越短，啲胸罩都可能會越嚟越窄…呢啲嘢係點都要換，無理由要佢學我著到底褲穿窿都唔換，正所謂佢自己忍到都唔好意思俾條仔見到啦；所以我都係要繼續好好打工，plan下點樣使啲錢，拖住QQ一齊買Bra同底底，先至係行之持久之策。
鄧：「呀爽…」
即係咁，既然錢係我出，應該款式都可以俾我決定掛，個衰妹成日沖完涼就著住底衫褲出嚟，不如買啲性感黑色半透明嘅款都好喎，睇妳以後重敢唔敢咁放肆，除非你唔介意畀我研究下妳下面多唔多毛毛啦…不過諗落佢又真係可能咁大膽，日日飛釘都係咁啦，或者透埋畀我睇佢都覺得無乜大不了，到時我日日頂到行就重大鑊。
鄧：「死人頭呀爽…」
唉，其實QQ表面上都重係一個清純可愛嘅學生妹嚟嘅，著性感內衣好似又有啲破壞意境，會唔會一啲粉色少女系嘅設計會好啲呢，最好就係滑面薄身，重要低杯窄窄地，有一種著咗好似無著嘅感覺，同呢個青葱羞澀嘅學生妹產生強烈嘅對比會更加正呢？但唔得，無理由我做服裝指導，佢條仔就做動作替身㗎，唔得唔得，太益咗佢。
鄧：「呀爽你兀夠凳未呀！係咪想死？！」
我：「嘩嘩呀！係…係…唔敢！」




原來不知不覺間Miss Tang已經行到嚟我面前，重將我嚇個半死，差啲炒車人仰凳翻嗰隻，好在我平衡力技藝高超先不至於出事。
鄧：「坐好啲呀！再兀凳打死你㗎！」
我：「Miss…兀凳啫…罪不至死呀…」
大家可能以為我喺度駁緊嘴，實情係Miss Tang係一個好無架子嘅先生，亦都好願意同我哋認真溝通，唔會用一句佢係先生大晒就去了結件事，平時又會同我哋分享社會上面唔同嘅嘢…加上上次家訪完又更加熟絡咗，所以先會咁同佢講嘢。
鄧：「即係咁…你唔聽書又唔影響人嘅話我都唔係太想打攪你，但你兀來兀去煩到後面個女仔扁晒嘴我實在睇唔過眼。」
如果大家重記得，我後面係有一個幾高下，斯文得嚟又唔起眼嘅女仔，基本上我每日同佢溝通唔會多過三句…
我：「Sorry呀…唔知煩到妳。」
當然我都會道歉嘅，我係一個乖學生嚟。
鄧：「一係咁嘞，你哋兩個調位，你後面係埲牆嚟，到時就可以兀過不亦樂乎，你話好唔好？」