thriXt Qantasy 純文字安眠之作 (New: - U2K - 一直上架): 191

我：「哎呀，Miss唔好咁睇我啦，除咗呢樣嘢之外，我都係個乖乖女嚟㗎。」
鄧：「唉，我都唔知…但妳而家咁樣，對妳讀書會唔會有影響㗎？」
我：「咁就點都有少少㗎嘞…不過，妳都知我考成點㗎啦，應該問題不大嘅。」
鄧：「希望啦，係嘞，妳一個富家女…嚟咗呢度住，生活上有無困難呀？」
我：「都無辦法㗎啦，暫時適應住先囉，好在阿爽佢都好照顧我。」
鄧：「佢點照顧妳呀…」
我：「各種各樣啦，Miss…妳唔好乜都諗晒去嗰啲嘢度啦，我同佢真係無嘢㗎，我都唔會俾佢亂嚟啦，我唔係啲是但嘅女仔嚟。」
鄧：「咁佢做乜要對妳咁好呀？」
我：「我諗…純粹因為佢好人掛。」
鄧：「就只係咁樣？」




我：「睇落係囉，如果唔信佢，又點一齊住喎。」
鄧：「係嘅…雖然Miss都唔知可以點幫妳，但如果妳有乜唔開心同委屈，都可以隨時同我講喎。」
我：「無呀，我而家過得好開心呀。」
鄧：「真係？」
我：「自由自在唔係幾好咩？」
鄧：「你哋啲小朋友鍾意無王管咋掛？」
我：「嘻嘻，都算係啦。」
鄧：「妳媽咪知唔知道妳點情況㗎？」
我：「知啲唔知啲啦，總之我希望佢搞得掂自己就好，唔想再增加佢嘅煩惱喇。」
鄧：「你哋要畀心機讀書呀，知唔知，今年嘅成績係好重要㗎，唔好剩係顧住玩。」




我：「咁妳不如關心下入面隻嘢先，讀書我自己都搞得掂。」
鄧：「嗯，咁我哋入返去繼續講啦。」
※※※※※※※※※※
鄧：「喂，呀爽唔好顧住玩喇…繼續同你講呀。」
我：「Miss，畀多一分鐘我！就一分鐘，完㗎喇，我唔想俾人舉報呀…」
鄧：「…」
點知呢個時候QQ走咗埋嚟，一手就搶走咗我部電話：「愛麗絲咋，拎嚟啦！」
算啦，呢鋪都贏咗九成，就交畀佢埋齋啦。
我：「Miss，點呀？妳說服咗佢分手嗱？」
鄧：「喂，人哋嘅事唔關你事，你顧掂咗自己未？」