為了實現媽媽遺願，我成為了女兒國唐僧: 100100

我諗佢算係我女朋友嘅，畢竟我嗰陣都咁叫佢，雖然可能佢只係當同我呢個細路仔玩下…
我哋點開始？咪有一日佢同我講話俾條仔飛咗唔開心，我就話不如我做住妳男朋友先，佢就話『好呀，咁我就陪你玩下啦。』
係咪好兒戲？而家諗返起成件事都覺得戇鳩。
佢似係一個大姐姐多啲，重要有啲古怪，我無同佢做過因為佢話我未夠稱唔想衰十一，但除咗做佢就乜都肯同我玩，算係我喺性方面嘅啟蒙導師，而且佢對咪咪重超級有份量，因為Carmen佢中文花名叫車車，我就再進一步叫佢做大卡車，運牛奶嗰啲，激到佢生蝦咁跳。
佢重同我勾過手指尾，話我十六歲生日就將佢嘅身體送畀我做禮物，唔知分咗手重有無效呢？
我同佢玩咗三個幾月，有一日佢突然同我講有一個睇落條件好好嘅男仔追佢…我只係一個小朋友，喺無得揀嘅情況下只好退出。
我無怪佢，因為我知我同佢係無可能認真，而且佢已經帶咗好多歡樂畀我，所以我都好掛住大卡車姐姐同埋…佢嘅身體。
如果再見返佢會點呢？而家嘅我真係無嗰陣咁低B，見返可能會有啲尷尬，但真係好懷念。
諗返起其實可能佢只係當我係性奴要我服侍佢，點服侍？…，唔講喇！自己諗啦…
忙咗幾日，今日終於可以自己一條友自由自在。




本來想瞓返，但喺床上面轆咗三個字都瞓唔著。
於是打開傳說對決，阿健一大朝早就喺度玩緊，於是我同佢雙排打咗六場，三勝三負無郁過，認真白做得個桔，moba game其實都幾消耗精力，而且每一場都喺度做緊差唔多一樣嘅嘢，玩耐咗係會有少少悶。
我：『晏晝落唔落街呀？』
健：『放長假我想清下啲switch game喎。』
我：『又玩自閉動森同無盡魔亨呢啲on9 game？』
健：『你就自閉，而家全部online玩。』
我：『Switch攞出街玩都得啦。』
健：『咪搞，我想專心清任務，你會阻住晒。』