為了實現媽媽遺願，我成為了女兒國唐僧: 100011

我：「嗯…欸…Q…nnie…咁早起身？放假…」
Queenie星期六一朝早就著咗燈喺度換衫。
Q：「Sorry呀，以為你好爛瞓嘅添，我熄返燈。」
都唔止燈啦，著衫啲時呢沙嗱加風筒聲都夠嘈。
我：「放假咁早去邊呀？」
Q：「去拍拖呀，今日你可以慳返啲。」
係喎，差啲唔記得佢有男朋友，放假拍拖好正常。
我：「做乜唔早啲講定呀…」
Q：「吓…我去拍拖唔係要你批準呀？」
我：「呀，當然唔使啦，得個知字啫。」




係囉，都唔關我事嘅，不過屋企人出街都想知嘅。
我：「不過都唔使咁早呀…十點都未夠。」
Q：「無呀，早啲出去…上一上去佢屋企咁。」
我：「嗯…我知！趁佢屋企無人上去喂老公，嘻嘻嘻，爽歪歪呢，羨慕死人！」
Q：「死人頭知就算啦！使唔使咁大聲講出嚟…」
我：「哦，都無乜特別啫，記得做好安全措施…」
Q：「使唔使你講呀，我出去喇。」
我：「咁妳今晚…」
Q：「唔使預我飯，有得食梗係食盡佢。」
我：「Bye Bye，玩得開心啲喇。」




係嘅，妳朝早喂飽咗佢，之後佢咪喂返飽妳囉。
咁樣送佢出門口，對於身為獨子重要過慣一人生活嘅我，都真係幾唔習慣，好似有種睇住阿妹出去喂仔嘅感覺；女神嘅男朋友唔知係點嘅呢？應該都唔會差嘅，睇怕點都好過我一大截，可以帶佢食啲好嘢掛？
希望佢唔會係一個大壞蛋啦，雖然身為男仔嘅我都好明白，我哋最想唔使付出就有靚女送上門，唔使打開荷包個女仔就識主動擘開大髀，色心起嗰陣最好隨傳隨到，打機嗰陣就自動消失…我都想有條咁嘅女…但我又唔想睇到Queenie俾人蝦。
真係好矛盾！唔怪之得Carmen同我講識男朋友最好唔好搵獨子，有家姐細妹嗰啲就最好。
呀，都未介紹添，Carmen係我第三個女朋友，中二嗰陣識嘅，都係喺青年中心識，最特別嘅係佢係一個大我三年嘅姐姐，今年佢已經中六，而且重係細蚊個師姐…