為了實現媽媽遺願，我成為了女兒國唐僧: XIII

無論如何，最少，我填飽咗女神個肚。
Q：「想問下有無嘢飲呀？」
佢打開咗個雪櫃，當然好難有佢需要嘅嘢。
我：「如果妳好想嘅話，可以沖好立克，重有茶包嘅，我平時飲水㗎咋…」
Q：「我想飲zero呀…」
女神又點會飲水大吖，諗下都知。
我：「嗯…不如落去超市買下嘢？」
Q：「好呀，你咪落去買。」
我：「妳唔一齊落去呀？」
Q：「唔喇，我落去又無乜用。」




係嘅，錢又出唔到，睇住啲好嘢又買唔起，我又無理由叫佢幫手搦，真係唔知落去做乜。
我：「咁…即係要我獨留兒童在家？」
Q：「乜喎，而家你唔係兒童嚟咩？我哋同級㗎！」
我：「我落去，妳喺度，妳無鎖匙，我點鎖門？」
Q：「你落去一陣啫，咪照鎖囉。」
我：「如果火燭，妳被困喺度，實變燒豬㗎喎。」
Q：「咁妳咪唔好鎖囉…」
我：「如果唔鎖，有人入嚟打劫，妳實俾人…劫色㗎喎。」我上下掃視打量呢個校服學生妹。
Q：「哎呀，邊有咁易呀，你想點就點啦。」
我望住佢，又望下我間屋啲嘢。




Q：「得啦，我唔會搞你啲嘢，要搞我等你瞓著覺先嚟探險重好啦。」
我喺櫃桶，摷摷摷攞咗條鎖匙出嚟。
我：「呢個係鎖頭條匙，如果火燭妳自己開門逃生啦。」
Q：「行啦，我唔係傻㗎。」
第一次留個陌生人喺自己屋企，有啲唔知點咁，雖然佢其實唔係陌生人。
四海魚蛋170g，18蚊，成47蚊磅，無特價真係買唔落手…咦！灣仔碼頭大特價，十蚊包十隻水餃，呢個應該食得落掛？唔理，反正我自己鍾意食。
於是我隨手就掃咗五包；然後睇罐頭，水仙花…唉，好貴，但真係無計，好彩俾我見到隔籬三花午餐肉特價45蚊三大罐，丹麥嘢應該唔會投訴喇掛…當然重有兩枝1.25L zero，廿蚊兩枝貴佳寶兩蚊，都可以接受，鬼叫佳寶已經閂咗門。
最後我望住個點心櫃喺度掙扎，公仔點心35蚊三包，叫做平咗少少…嗯，唔諗喇，Queenie應該鍾意食，於是我攞咗三包蝦餃。
買多兩個西生菜，咁就差唔多兩舊水，我一路埋單一路苦苦思量，到底咁嘅生活可以捱幾耐。
攞咗一大堆嘢行返上樓…好重，其實係嗰兩枝zero重，呢個女神真係麻鬼煩，喺度又食又住又無錢畀，我好應該攞返啲著數，揸下奶都唔錯吖。




Q：「嗚嗚嗚嗚…」
點鬼知我一開門見到佢喺度啜泣，坐喺梳化上面戙高埋隻腳，抱住個膝頭哥喊。
由於著住校服，佢條粉紅色底底露晒出嚟。