為了實現媽媽遺願，我成為了女兒國唐僧: XIV

裙下春光有邊個男仔唔想睇？平時行樓梯扯到眼角肌抽筋咁滯，canteen食杯麪不停跌叉，都係為咗一睹嗰塊三角小布布嘅風采，順便學習下色板，三原色，相對色等嘅色學配搭原理。
不過有個女仔不顧儀態咁喺你面前咁樣，你重邊有心思將啲精力放喺嗰啲無謂事情上面。
我：「Queenie？做乜事呀…點解喊嘅？」
佢無答我，但係就喺張梳化上面起身攬住咗我，又搞到我成個人戙咗喺度唔知想點。
Q：「可唔可以抱住我？」
我：「吓…點解呀…」
佢無答我，但佢叫到我唔通話唔好咩，咪慢慢由佢兩個膊頭側邊箍住佢，而佢就仍然喺我心口入面喊，好一個慘豬豬女神，我就摸摸佢啲烏黑秀麗頭髮安慰佢。
我：「無事喎…唔使喊。」
Q：「我…只係想俾人惜。」
我：「嗯，惜返，開心返啦，買咗Zero喇，我要放入雪櫃雪先。」




Q：「我…係咪好麻煩呀？」
我：「唔麻煩點做女神喎，放心啦，我無嘢。」
Q：「點解你會對我咁好？」
好，係咩，我都唔知，但如果唔係佢，我今日應該都係落樓下玩完，去七仔搵下特價三文治同叮叮飯食，再返屋企頹廢咁對住啲電腦遊戲。
我：「可能，因為妳坐喺我隔籬掛。」
Q：「如果我唔係靚女呢？如果我係豬扒暴龍大肥婆呢？」眼紅紅嘅佢望住我，唔知佢係喺度質疑緊我嘅動機定係佢嘅行為嘞。
我：「無嘅…咁妳都嚟咗，唔好諗咁多啦。」
我係有啲心虛嘅，如果佢係暴龍，睇怕我都唔會咁多事關心佢，又點會有機會收留佢喺我屋企。
放完啲嘢入雪櫃，我就執埋兩隻碗同筷子入去洗，呢啲嘢我無期望過女神會幫我做，橫掂我自己煮都係有咁簡單得咁簡單，幾分鐘就洗完。
Q：「咁我去沖涼先喇。」




都好，佢快啲沖，一陣就唔洗爭；點知我一洗完碗行出廚房…
Q：「呀！無晒熱水嘅？」女神喺浴室驚叫。
我：「喂！儲水式嚟㗎，唔好開咁大，唔好開咁熱呀，得幾分鐘用㗎咋，較細啲水，過乾淨好出返嚟喇…」十二月嘅香港，話雖唔凍，都係可以整病女人嘅。
Q：「喂…有無毛巾呀？」
係喎，唔記得咗添，無理由要佢用我條毛巾嘅，我屋企雖然簡陋，新毛巾總畀到佢嘅。
我：「欸…妳伸隻手出嚟攞啦。」
佢打開咗道門罅，伸咗隻玉手出嚟，呢種感覺好特別，我都唔識形容。
Q：「咁細條嘅？有無浴巾呀？」
我：「真係無呀…Sorry。」
佢都無再投訴，睇嚟知道係無辦法，小姐妳知唔知道一條包得晒個人嘅浴巾係幾貴至得㗎…佢想要浴巾，唔通係想就咁包住出嚟見我？希望我唔會諗得太多啦…




到佢沖完涼行出嚟望住我。
我：「嘩！妳做乜唔戴Bra？！」