我叫張元中，我個妹叫張元英（失敗作，爛左尾，貼上黎做record）: 8

8.


我一邊響後備席睇住比賽，一邊唉聲嘆氣


「細祥！包位呀！！」

細祥響田鼠既提醒下先察覺自己甩位，急急腳補位






雖然對手鄉中個個都係啲柒柒下既四眼仔

但戰術執行力好高，佢地知波底唔夠我地好，所以採取防反戰術，希望引我地將防線推前黎打反擊


田鼠再一次及時補上細祥既空位，將波清出右邊界外


「大佬！睇撚住身後丫！」





「係，係既！」



「唉...點解唔比我出場...」

我斬波又有水準，防守又做到足，唔出我？林sir你痴撚左線？






「知唔知點解呢幾年都唔出你踢正選？」

林sir好似知我屌緊佢咁，坐到我隔黎


「點知喎...你先係教練」



「就係因為你唔夠氣囉」


吓？






「無錯，中仔你出波係勁，但你最大問題係唔夠體力，跑返十幾二十分鐘你就無氣，上半場未完我就要換走你啦」


「細祥技術同足球智慧係冇你咁好，但起碼人地可以打足全場」


「即係...?」


「即係你一日唔操好啲體能，一日都只能夠做後備殺手囉」

林sir已經攤開黎講：「你係有啲天份既，但後天唔夠努力囉」







「...」

我諗，林sir呢番說話似真心，而唔係純粹安慰我


「大師兄！」光頭邦同大師兄再度連線，於禁區做個one two，輕鬆打破鄉中後防線

光頭邦腳面一燙，皮球射中遠柱死角！1:0


「呀！！！！！」

熱血既光頭邦，馬上衝向角球旗剷草咆哮







「好波！」

眾隊友衝到光頭邦身邊慶祝



「練體能...」

呢個就係，我可以踢正選既條件？



最後，我地馬得理紀念中學大炒對手三比零





而我，就坐足成場板凳




「頭先豬仔比我果球幾毒呀，一野打穿哂！」阿琨笑道

「嘿，駛乜講！」

「屌負碌姐，豬仔球球都鳩吊波，10球先傳到一球」肥龍馬上反駁

「擺明睇到凖一凖先傳啦，你識咩呀！」


全場後，大家都一齊去元朗既昇記食飯

昇記為元朗某一大排檔，每次贏波都會去慶功




「好啦，今日既對手雖然唔強，但都辛苦哂大家啦」

林sir似乎心情唔錯：「今晚呢餐我請！」



「林sir好野！！」

「咁先係架嘛！」

「唉講多做咩丫！！飲杯！！」


「飲杯！！！」大家都拎起汽水，我只好跟住



「喂你冇落場都飲杯？」

田鼠響隔黎講左句：「哎講笑講笑」


「屌你老味，講啲咁既野」

大師兄一掌拍落田鼠度「收下把口啦田鼠...中仔，唔駛理佢」


「嗯...」


仆街，仲要比自己fd子串