我叫張元中，我個妹叫張元英（失敗作，爛左尾，貼上黎做record）: 7

7.


星期二下晝，就係我地足球隊grade a既第一場小組賽


「miss to, 我地要去比賽啦」

我地幾個足球隊既成員同埋阿玉都已經執定袋，準備響校門集合






「我聽林sir講左架啦，你地去啦，加油呀！」

好少老師聽到學生走自己堂去踢波，都仲可以有心情鼓勵

「阿玉你記得幫埋我同佢地打氣呀」


「...呃...嗯！我會架啦」





阿玉雖然係足球隊經理人姐，但響香港邊興呢啲野，總冇可能一個女仔報男子足球隊掛

所以以前阿玉根本去唔到比賽，係miss to咁開通先會比埋阿玉跟黎




我地四個跑到落樓下，已經見到全隊等緊






「喂！快啲啦仆街！」阿琨大叫


「咪黎緊囉，點估到你地個個咁快落黎啦」田鼠反駁


力輝叉起雙手，似乎已經等得唔耐煩

「本身我地都諗住拉隊走架啦」


「屌啦你敢咩？冇大師兄邊個打正前呀？冇田鼠邊個守禁區呀？冇中仔邊...邊個做後備殺手呀？」

周公唔覺意串埋我







「唔好嘈啦，總之，我地隊波一個都不能少！」

呢個係我地足球隊既隊長，讀中六既阿威，同力輝擔任防中

講波底既話佢其實好差，係得體能好少少，波牛一個


不過佢勝在夠熱血，有親和力


「阿威講得啱，所有隊員都好重要！」

林sir點好人數後：「好，齊人，出發！！」







我間學校響朗屏，要行去元朗大球場都需要十分鐘路程


「喂...你地覺得呢，我地咁樣行似唔似古惑仔呀？」田鼠突然咁講

又的確真係，我地成班人平排咁響元朗廣場條天橋度行。真係有幾分似去劈友


「似古惑仔就得啦！我做陳浩南！」阿琨馬上跑到中間

「收皮啦，你做山雞就得！」肥龍反駁





「你咁肥，啱做包皮呀！」



見到成班隊友仲有心情講笑，阿玉不禁苦笑

「唉，成班友仔似出黎玩多過比賽咁」


「咁點都好過緊張丫」

我接住再問：「係喎阿玉，知唔知今場正選名單呀？」


「點會知呀？份名單響林sir度嘛...」





阿玉露出恥笑笑容：「做咩呀，又話志在玩下？」


「屌...咁...都想踢下波架嘛...」




更衣室中


「依家公佈埋今埋正選」

林sir襯我地熱緊身果陣開聲：「今場我地繼續用返訓練時候既4231陣式」


「大師兄照舊擔任正中鋒，身後攻中為豬仔，右翼楊城琨，左翼光頭邦」

光頭邦為繼大師兄後波底最好既人，但成日走堂，連練波都唔蒲頭，今日好難得可以見到佢


「力輝同阿威繼續雙防中」

呢啲對我都唔重要，因為我只係想知


「後防四人...」


我，到底有冇得踢正選呢？



「左邊起，肥龍，阿康，田鼠，細祥，龍門為周公」


吓...?又係細祥？！



細祥基本上由中一開始，就騎住我站穩正選右閘

我都唔撚明，細祥矮又矮過我，斬波又成日出哂界，點解係佢！


「好！出去熱身啦喂！」隊長阿威叫道



「中仔，唔好唔開心啦」阿玉等三個馬上過黎安慰

「係囉話唔定有得出場呢...」田鼠仲要踩多腳

「田鼠收下把口啦」

「sor囉」



「我ok...仲好啦！unun腳睇波！快啲出去熱身啦」



唉，唔開心就點都有