我叫張元中，我個妹叫張元英（失敗作，爛左尾，貼上黎做record）: 9

9.


「我返黎啦」

我無黎精神咁返到精神

仆街，明明冇落過場都好似好攰咁






「你返黎啦中仔，食左飯未呀？」老母問

「食左啦...」


「咁既樣既？比賽輸左呀？」老豆問


「唔係...贏左三比零」





我除好鞋，準備入房：「我沖涼先...」



一入房，就睇到元英已經拎住件衫掩住塊面


「你...做咩呀？」






「阿哥你唔好行埋黎！你踢完波個身實好臭！」

屌，原來係話我臭


「唔係喎...」

元英放低件衫，用鼻索左幾下：「點解你個身冇味既？」


「屌，冇出場咪冇味囉...仲問...」



「吓，你連落場比賽都冇呀？」





「係呀得未呀」


「哈哈哈，咁渣架，平時講到咁勁，原來連後備出場都冇」

元英特登恥笑：「你咁樣就算入到決賽，你都剩係坐響度睇波架咋喎」


「你係黎先講啦」


「得閒咪黎囉...」

元英拎起時裝雜誌：「仲有呀，你果個肥仔fd呀，你下次叫佢咪再成日望住我啦，好嘔心」






屌，叫左田鼠咪成個痴漢咁

「吓，你咁都見到呀？」


「講到咁大聲，係人都知啦」


屌，又恰鳩毒撚



「唉廢事理你...沖涼先」






「喂，阿哥」元英叫停左我




「咩料呀？」

「你踢到正選、時間又ok既話，我咪...黎睇下囉」


「吓」

我冷笑幾聲：「邊有咁易丫，今日林sir先話我唔夠體能」






「咁咪練囉，唔係連練跑都驚下話」

元英嘴超超咁：「不過你咁渣，跑一兩k就話攰架啦」


「你依家睇死我咁話啦喎？好丫我...」

一諗起唔駛練波既日子都要跑步，我已經驚到瀨屎

「我...我聽日就開始練跑！」


「嘿，睇下你堅持到幾耐囉！」


一見到元英個臭串樣就想一掌煎巴佢