我叫張元中，我個妹叫張元英（失敗作，爛左尾，貼上黎做record）: 6

6.

星期日，我地一家人出到去飲茶


「元英，食蝦餃丫」

「唔該daddy！」






元英今日已經著上果日睇中既果條裙

雖然唔想認，但身型完美既佢著衫係幾好睇

「daddy媽咪。我一陣約左阿真去行街呀，你地同阿哥自己返去先丫」

「嗯，好呀」

屌，個死??妹依家睇死我冇街出呀？







「係喎，中仔黎緊係咪有足球比賽呀？」阿媽問


「嗯星期二，小組賽黎姐...」

我都唔明，點解小組賽永遠都係閒日搞，成個觀眾席都冇人，都冇氣氛既






「又閒日點黎睇呀」老豆講

「咁我都冇計架，佢決賽先響星期日搞」


「你入到決賽我地全家都黎撐你啦」

阿媽笑道


「...嗯...」


「入到先啦」





元英馬上恥笑我：「呢五年都未見阿哥你入到四強...」



「喂，足球唔係淨係我一個踢架嘛大佬」

比個死??妹串，我緊係反駁：「我一個咁勁既話，我去左打咩區隊啦！」


「但係，我記得阿哥你講過你係做後備架喎，都唔知有冇機會出場啦...」

屌，記呢啲野又咁撚叻


「屌，今年有機啦.....」







「係呢係呢，咁元英你呢？學跳舞果度o唔ok呀」


「嗯！依家都跳啲唔係咁難既舞，仲應付到」

元英早已吞下老豆比既蝦餃，食緊珍珠雞

「個跳舞老師話跳舞學校黎緊有公開表演，我同阿真可能都有份呀」


「叻女喎，到時我地實黎撐場！」





元英咁快就有得公開表演，而我就連正選都未坐穩

呢個世界公平咩！！！



飲完茶出到門口，就見到阿真已經響度等

「hello呀uncle auntie！仲有...哈哈哈哈哈哈哈哈哈阿哥哈哈哈哈哈」


阿真一見到我就笑到痴左線，仲兜到我後面

「哈哈哈哈哈今日著啱褲喎！」






「喂...又笑...」我無奈道


「阿真呀...」

元英轉身睥一睥我：「咁...daddy媽咪我走先啦，拜拜」


「小心啲呀，拜拜！」



「笑夠未呀阿真」

「咁真係好好笑嘛！哈哈哈哈哈」