我叫張元中，我個妹叫張元英（失敗作，爛左尾，貼上黎做record）: 3

3.

「仆街！又遲！！」

望住鬧鐘上面7:35既時間，我不禁大哮


我之所以成日遲到，原因有兩個

1.平時日日較左7:10鬧鐘，但我可以聽住鬧鐘響訓返著





2.元英個死女包自己7:10起左身唔撚叫我！


我嗱嗱聲刷完牙換好衫，求其響枱面拎左個包就衝左出門




「仆街，叫埋我起身好撚難為你咩八婆！」





我同阿玉一樣，都係住響元朗某私樓，距離學校有大約15分鐘步行距離



「唉，中仔你又遲到啦？」

阿玉一見到我就只能苦笑






「一日最衰都係個死女包，唔叫埋我起身！」


「哈哈，佢嫌你阻住佢用廁所掛！」






「喂中仔，幾時介紹你個妹比我識姐？」

一返到學校，坐我附近既田鼠又精蟲上腦






「不了，你咁撚柒，一陣佢又屌鳩我啦」


「屌你啦」

田鼠繼續偷食櫃桶既軟糖：「不過講開又講丫，你個妹真係好多人想溝」

「中三我唔知丫，但我地級就好多啦」


吓...係咩？


另外一個同學阿楠聽到我地講都插嘴，指住坐隔幾行既男神超





「果次聽講男神超呢，上年情人節送左盒朱古力比佢，點知...」

阿楠係班上既收風佬，關於同學既大小柒事佢都無一不知

而男神超就係中五公認最靚仔既人，不過...我覺得男神超太白淨，大師兄靚仔啲囉



「果陣男神超想威，叫埋我同幾個一齊落三樓睇，點知...你果個妹，成盒朱古力，當住我地面送左比同班個肥婆呀哈哈哈哈」


「屹屹屹屹屹屹屹！！！！唔撚係掛！」

我同田鼠一聽到笑到仆街，估唔到元英咁撚醒






可能係我地笑得太大聲，男神超即刻睥過黎，眼神仲帶有怨恨


「咁...仲有呢？」阿玉再追問



「你地足球隊果個胡光輝囉」


「吓？！力輝？！」


力輝係我地既正選防中，上身非常健碩





但相反，下身就係筷子腳身型，所以我地就索性叫佢做力輝，笑佢「只操上身」


「唔怪之得啦...」


「中仔你諗起咩呀？」田鼠問


我即刻憶起上個學期既事


「上呀！上呀！！」

當時我地同緊隔黎學校打friendly，果場既力輝係咁傳波比我

「中仔！」

「中仔，爆佢！」

「上呀中仔」

但果場之後，力輝就一球波都冇傳過比我

懷疑已經收左皮


「所以話丫，你個妹真係萬人迷黎架」

田鼠再問阿玉：「咁我就唔明啦，點解元英咁無敵，但中仔你就成個廢柴咁樣啦」


「仆街啦你，上堂啦！」

由細到大，所有人都鐘意將我同元英比

屌有冇諗過我感受



「hello！咁多位同學早晨呀！！！」

無幾耐我地班既班主任miss to同林sir就入左黎


miss to,中文名杜雪薰，教我地中文

學校內公認既女神，model級既樣，身材仲好正

響我中四果年啱啱新入職，就做左我地班主任

即刻令我地班被葡萄


而佢身邊既林sir,大約廿尾，教數學

廿幾歲人仲梳三七分界頭，戴埋d圓框眼鏡，著埋d格仔恤衫，講野成個甜筒輝咁

所以一直不受我地尊重


「miss to今日靚左喎」

「miss to日日都咁靚架啦」

但凡有miss to經過既地方，都會引起男生們既起xxx


「唔好讚我住先啦，依家我地點名先！」

miss to一路數人一路點名，直到


「張元中！」

忽然比miss to叫名，我都嚇左一跳


「咩...咩事呀...」



「你係咪...差我啲野呢？」見到miss to陰陰嘴咁笑，我先醒起


仆街，上星期份作文！


「哈哈...唔記得左tim，聽日交返比你呀miss to」聰明既我馬上扮傻


「比多一日機會你呀，你都唔交就...嘿！」

上年中四，我應該欠左幾十次功課，缺點都記左幾個

唯獨mss to，每次都唔記我欠交，但個懲罰係...


「哈哈，中仔你就爽啦！有得接受miss to大懲罰！」

成班同學響度恥笑


每次回想起個懲罰，我都想柒到揾窿捐

...



「喂！miss to不如算啦！」

「嘿嘿，邊個叫你欠我功課呀！」

miss to露出狡猾的笑容：「各位同學仔，幫幫手啦！」


「係既miss to！」

田鼠同大師兄為首既損友們將一塊寫上「我以後不再欠交功課」既紙皮掛到我項上，再抱起我響五樓遊街！


「停手呀！！！」



「呢啲就係欠交功課既下場啦！！」


.

.

每次諗緊呢關柒到揾窿捐既往事，我都不自覺地打冷震

亦令我覺得


miss to係痴女黎

唔係av果啲，係真係痴線果啲



「好啦，齊人！」

miss to轉身望向林sir:「林sir呀，仲有冇其他問題呀？」


「呃...無...無啦」


明眼人都睇得出林sir係毒撚性格，唔好講佢唔識同miss to溝通，就連同我地溝通都有問題

起初林sir明明係正班主任，慢慢變到透明人咁


「咁..我地開始準備上堂啦...」