我叫張元中，我個妹叫張元英（失敗作，爛左尾，貼上黎做record）: 4
4.
「唉屌..份作文點算呀」
今日足球隊冇訓練，我同阿玉四點幾就一齊走
「哈抵啦，欠左成個禮拜，聽日等比人捉去遊街啦！」
「屌咁真係寫唔出丫嘛...咩『長大後最不想遺忘的東西』，咁撚抽象...」
一路飲住珍珠奶茶既阿玉回想起自己既作文
「呢題...我果陣寫左最唔想遺忘既係青春...」
「...青乜鬼野春呀？」
阿玉放低飲管
「你諗下...無論我地畢業之後係讀u定係做野，都唔會識到班朋友好似依家咁fd，每日都要同對方相處...呢啲係miss to同我講過既...」
「下miss to?響輔導室？」
「嗯！佢食完飯之後都響輔導室架啦，有次經過咪傾起計黎囉」
miss to一入到黎之後就擔任輔導組老師(雖然話組，但其實得佢一個)，我對阿玉同佢傾呢啲野並唔感奇怪
「不過比起青春，我諗你最唔想遺忘既...應該係大師兄啦哈哈！」
「你...你噏乜呀！」
阿玉比我講中死穴，馬上激到紅都面哂
有時真係唔明，點解阿玉有膽做咁多年足球隊義工經理人
但冇膽同大師兄表白
「好心你啦，鐘意人就表白啦...大師兄好多人爭架」
「咩...咩呀...」
每次講起大師兄，阿玉都會明顯坐立不安
「依家...咪幾好...我都唔明點解你同miss to講既野一樣既」
「咁係因為你真係太細膽囉！你諗下，我地同大師兄同班左四年，你有冇見過佢拍拖丫？冇丫嘛，即係話你都有機會囉！」
「...唉，我廢事同你講！落車先啦聽日見啦！」
真係唔明，鐘意人咪講囉
不過當務之急係拿拿聲ko份作文先，唔係聽日又要比田鼠班契弟爆春
「咔！」
今日係星期二，元英應該係去左跳舞班
所以屋企一個人都無
襯無乜人，不如....
我嗱嗱聲換好衫，打開電腦
開出我最愛既av女優，初川南！
尋晚我已經一早down定南南既新片，不過果陣有人J唔到
襯依家，拿拿聲獻精比佢！
「嘻嘻，南南好正呀...」
正當我除褲之際
「咔..」
一聽到鎖匙聲，我馬上著返好褲
「屌邊撚個呀...」
屌，元英...
「下..你.唔係跳舞咩？」
「miss話塞車趕唔到，要改期喎...」
元英一臉死灰將自己既milkfed背囊放落地
「阿哥...你做乜成頭汗呀？」
「無...無野呀...作文之嘛..」我特登拎起張作文紙fing
「奇奇怪怪咁....我換衫先...」
元英拎返自己啲衫入廁所
「唉...寫唔撚到呀！！！！」
我一個人對住張作文紙十分鐘，但一粒字都寫唔出
咩最唔想遺忘既野呀...噏乜鳩呀...
「你靜少少啦阿哥...」
坐響床上面玩緊電話既元英一句喝埋黎
「屌...咁真係唔識寫篇作文丫嘛」
呢個時候我睇到，元英原來上緊啲買衫網
一路碌，直到停左響一條裙度
「好靚呀...」
我坐埋去元英度
「做咩呀，想買呀？」
元英一聽到馬上打左個突，扁起嘴
「都唔關你事啦，又唔係你買比我...」
我睇一睇個價，仆你個街5舊水！
屌，我平時出街都係著u記d特價t恤咋！
雖然元英咁講，但佢已經開電話個計數機出黎計
元英同我，同香港大部份中學生一樣平時唔會返parttime,平時有咩想買，就要靠每星期既300蚊既零用錢中省出黎
睇元英要計數，就知佢唔夠錢啦
「哈..唔夠錢呀？」
面對我既恥笑，元英今次無駁我
「..關..關你咩事...」
唔係喎...
如果我資助佢買...
「喂」
「咩事呀阿哥」元英依一刻個樣苦惱到爆
「條裙，我資助你買啦」
「....」
元英望過黎：「吓...真咩？」
「真..資助三百囉」
我接住再講：「不過...」
「..你想點呀！？」
元英馬上退後幾步
屌，佢又諗左啲咩呀
「你要幫我做左份作文佢..」
「...車，好易姐...」
一手拎左枱面既作文紙，元英細心睇住上面既標題
「『長大後最不想遺忘的東西』，簡單啦，食完飯作比你，不過你比錢先好喎」
屌，咁撚醒目既
「得啦...」
我響銀包抽左三張一舊水出黎比佢
「你用第二張紙寫啦，廢事比miss to周到，我會自己抄返架啦」
「緊係知啦」
收到我果三舊水既元英馬上笑逐顏開，露出幸福的表情
「我都唔知你地啲女仔買咁多衫做乜，個身就得一個，著得幾多件丫」
元英平時帶飯返學校食，所以果堆零用錢都係用黎買時裝雜誌、買衫買鞋
「所以阿哥你咪咁耐都溝唔到女囉，係女仔都鐘意扮靚架啦！」
「喂，駛唔駛又串呀！」
作為一個a0毒撚，我最憎就係比人話我溝唔到女架啦！
「你夠a0啦，笑乜呀！」
雖然我口咁講，但我都好清楚知道
元英唔係無仔溝，只係佢睇唔上眼
與此同時，老豆老母都返到黎
「我地返黎啦..」
「咁...你食完飯做比我啦喎，趕住聽日交呀..」
「得啦，煩..」
雖然元英份人串，但我對佢做野都幾有信心