［為愛瘋狂］《自從同初戀分咗手之後我自甘墮落，不斷搵其他女人做愛》: 六

「咩...咩...嬲妳啊，我都唔知妳講乜。」我被拆穿心事，慌張得口吃。

「好蠢啊你。」子愉不禁偷笑。

「咩喎！做咩無端端話我蠢啫！」我有些氣憤，一時間體溫升到最高點，急得快要死。

「自己諗啦，放學之前都諗唔到就輪到我嬲㗎啦。」她用手指彈我額頭，然後把一個三文治放到我桌上。

「唔食嘢等陣冇力上體育堂啊傻仔。」
她嘻嘻一笑，回到座位上。



這個時候某幾位班裡的同學已經吃完午飯，回到課室，其中包括David仔。

「喂女人文！瞓撚醒未啊，買咗包俾你食啊！」他在課室門口大聲說話。

雖然David仔經常出言不遜，但看得岀來很關心我這個朋友。

「我有三文治食啦。」

「吓！咁咪嘥晒我啲錢！」



「唔好谷氣住！我好肚餓，兩個都食晒佢。」

「咦？邊個買俾你㗎？」

我想說的話卡在喉嚨中，緩緩說出一句慌話。

「我...阿媽整俾我帶返嚟食...」

「算啦！等陣俾返錢我。」



嗯？子愉正正因為這樣才會在學校避開我！啊！為什麼我到現在才發現！

我看一臉當頭棒喝的模樣看向子愉的位置，她又在偷偷笑我的一舉一動。

此時我覺得非常羞恥，但有一種感覺完全蓋過這種感覺。

感動

子愉如此為我設想，我應該好好報答。

到了放學，我終於有和子愉獨處的機會。我們有默契地確認附近沒有相熟的人才並肩而行。

「對唔住啊，我咁蠢咁小氣。」我隆重道歉。



「見你咁搞笑咁可愛，算啦。」子愉邊笑邊說。

「男人老狗可咩愛啫，不過其實妳唔洗咁驚同我有緋聞，我冇所謂㗎。」

「自戀啦你，琴日我聽到你班朋友話如果你媾我嘅話一定會笑你。所以唔想喺學校同你有太多接觸，費時佢哋誤會你真係媾緊我啦。」子愉說到這裡，臉紅得似淡紅色的蘋果。

「多謝。」我知道有個女孩為我著想，今天的不快早就一掃而空，只有幸福感。

那種一點點累積的好感，我可以充分感受到。

「咁我返屋企先啦，大傻仔～」
又到家了嗎？有時學校離家太近也有壞處。

現在我還想多見子愉一會，時間為什麼過得特別快？



「拜拜...」我依依不捨與她道別，心中貿然有強烈的反抗情緒。尤像小時候在公園玩得樂極忘形，不願回家的小孩子。

「邱子愉！唔好走住呀！」我大聲呼喊，可是子愉已經進到大廈裏準備搭電梯上樓，厚重的玻璃門隔絶一切聲音，於是乎我就不斷拍打大門，引起保安注意，

「開門啊！開門啊！」我重複拍打，引起周圍的人圍觀我的瘋狂舉動。

「喂！細路！做乜係咁拍道門啊！」保安叔叔一開門，我便衝向電梯那邊。

「子愉！」我看見半邊身已經進入電梯的子愉，連忙大叫。

「阿文？你做咩啊？」她聽到我呼叫，退後了兩步。

「細路！企喺度！」同一時間，守門的保安叔叔和其他人追到我來這裡，揪住我衣領不讓我逃走，場面一片混亂。

「你點可以咁樣㗎小朋友！我哋啱啱隨時可以報警㗎！你講！點解要咁做！」幾個大廈保安厲聲責問。



「對唔住...我只係想...」

「想咩啊！騷擾到人啊而家！」

「我想約呢個女仔出街...」我指向子愉。

幾個保安面面相覷，一時間不知道怎樣回應。

「對唔住啊叔叔阿姨，係我唔記得俾我個電話佢先變咗咁。」子愉幫我說話。

「唉...算啦算啦！下次唔好啦，追女仔係要搏啲嘅。」帶頭的保安叔叔說。

「唔該晒，真係唔好意思。」我和子愉紅著臉一起鞠躬道歉。



「走啦走啦！我哋都要做嘢。」

四週的人散開後，只剩下我們兩個，大家都覺得保安叔叔說的話很尷尬。

我想追子愉？行為上相似？
我的確很想見子愉，但這是追求的一種？
如果我真的愛上子愉並且追求，她會接受？

「不如我哋上去擺低書包先，跟住喺你樓下等好唔好？」子愉提出，答應我的邀約。

「好...好啊！」

https://www.instagram.com/void_inheart/