［為愛瘋狂］《自從同初戀分咗手之後我自甘墮落，不斷搵其他女人做愛》: 五

「點解嘅，我對書本興趣唔大喎。」我開始回想自己一生人中看過多少本書，結果十隻手指都用不完。

「唔睇都可以寫。」

「妳嘅意思係叫我寫故仔啊？」

「你鍾意啦，我又唔了解你，只係我認為識得用文字表達思想嘅男仔比起做運動講熱血更加吸引到我。」她是在暗示嗎？

我馬上浮現要取悅子愉的念頭。



「係呢，妳最鍾意食咩？」我轉換話題。

「雪糕，雲呢拿雪糕，不過我怕肥所以好少食。」說起雪糕，子愉的面部表情有著明顯的變化，寬鬆了一點。

「咁係幾好食嘅。」

「阿文你呢，有冇啲嘢你特別鍾意食。」

「阿媽整嘅白糖糕！」說到白糖糕，我馬上來了興致，想為子愉拆解當中的美味。



「我未試過...係點樣嘅味。」

「額...甜甜哋嘅砂糖味...食落有少少澀味，最重要係個口感！有少少彈性得嚟唔黐牙！」我比手劃腳地形容著。

「嘻嘻，睇嚟你真係好鍾意。」子愉又笑了。

「到學校啦，一陣再講。」一到學校門口，她和我馬上分開，前後腳進入課室。

一到學校就避開我？為什麼？



進到課室之後，我又想主動找子愉，誰知道子愉對我不理不睬。

「唔理我嘅？仲有時間喎，妳可以趁Miss張未到坐我個位㗎。」

「唔洗...你快啲返自己個位啦。」她用力推我走，好像學校是禁地一樣。

被子愉冷落，我當然悶悶不樂，上課時根本專心不了，明明早上還正正常常，為什麼一到學校就有所顧忌。

整個上午我就處於一個鬱悶的狀態渡過。

待到午飯時間，我基本上沒什麼胃口，剛打鐘就扒在桌子上睡覺。

「喂阿文，仲咩咁頹啫。」David過來問我。

「哎呀唔洗理我啦，今日冇心情。」我甚至懶得正眼看David。



「妖成個女人咁，唔理你啦！」他走了之後，班房終於空無一人。

我繼續午睡，不久之後一段急促的腳步聲離我越來越近，進入了班房，直到我座位旁邊。

抬頭一看，是子愉。
「你做咩冇晒心機咁？今朝仲好精神喎。」

我又扒下來，不過轉換方向，對著子愉。

「冇嘢。」子愉還不知道我在苦惱什麼，這使我更加洩氣。

「真係？定係你唔舒服？」她彎下身子，一雙清澈明亮的雙眸注視著我。

好漂亮...



「真係冇啊...我突然間眼瞓咋嘛。」

「傻仔，咁都好意思嬲我嘅。」

我們會分手，也許是我太不細心吧。

https://www.instagram.com/void_inheart/