［為愛瘋狂］《自從同初戀分咗手之後我自甘墮落，不斷搵其他女人做愛》: 七

我回到家後，放下書包就立即到樓下應約。
開心～開心～開心～

心跳

加速...加速...加速...

我站在原地等，身體卻失控似的四處晃動，全身冒汗，第一次單獨和女孩子約會，我時刻念記著一定不要失禮子愉，不過要講失禮剛才已經丟臉丟出整棟大廈...

五分鐘...十分鐘...十二分鐘...十五分鐘...


我等了許久，子愉還不見蹤影。

不是說好放好書包就下來嗎？
出事了？
我開始感到焦慮。

再過五分鐘後，我終於看到子愉的身影。
「呼...呼...唔好意思...頭先有啲事遲咗。」

子愉上去前的校服明明非常整齊，現在二十分鐘過去，校裙起了皺褶、衣領起角、頭髮絲散亂...她幹了什麼？



問題不重要，無礙我們約會就好。

終於可以開始
「唔緊要，我哋行咯！」

「我哋去邊啊？」

「新北江！妳想唔想？」



「想，你帶我去邊度我就想去邊度。」
子愉又說這種容易令人悸動的話...我摸一下自己心臟位置，跳動的速度又加快。

妳的笑容配上言語就是有足夠殺傷力

「乜妳咁冇主見㗎～」我說。

「有個男仔好想約我，我咪有興趣聽下去佢想帶我去邊囉。」

「哎呀唔同妳玩啦！成日講埋呢啲嘢嘅。」

「咩嘢啊？」

我把想說的話吞回肚子裏，害怕子愉知道我的想法。



其實可能一早知道

「行啦，咁多嘢講，今日我請返妳食嘢啊。」

「食咩啊？」

「雪糕囉！妳最鍾意食㗎嘛。」

「知道就好啦。」

坐輕鐵時子愉一言不發，靠在窗邊看一閃而過的風景。
「其實有咩好睇啊？」我好奇一問。

「唔話俾你知，你咁蠢。」



「搞錯啊，咩都要我估。」我對著子愉扁嘴。

「係喎，你揀咗咩興趣班？」

「我揀咗文學創作體驗班。」

「吓，我講下咋喎你又真係揀嘅。」
她沒有我想像中那麼高興而是帶點失落的語氣回應。

「妳唔係推薦我揀呢個類咩...」

「係啫，不過我想你根據自己嘅興趣揀。」

其實當時我很想說我的興趣就是妳，邱子愉，不過避免嚇到子愉又改口。



「我本身冇乜興趣咪當學下嘢囉。」

「嗯，咁你要加油啦！」她又回復到對著我時開朗的心情，我們剛到新北江𥚃就看見一對對的情侶在逛街。

天水圍居民拍拖必去的地方，果然名不虛傳。

我去甜品店買一個雙球雲呢拿雪糕甜筒，灑上糖粉和朱古力碎給子愉享用，望著她吃得津津有味的樣子忍不住傻傻地微笑，得到巨大的成就感。

「好多情侶...乜而家咁多學生拍拖㗎咩。」子愉問。

「開心啊嘛，妳都可以試吓㗎。」

「你呢？會唔會都好想拍拖？」

子愉問到我時，腦海裏浮現出和她牽手親吻的片段。



我們只認識兩天，但我真的很喜歡子愉，從外到內的喜歡，所以談到戀愛話題時我只想到子愉。

自問身邊不缺異性朋友，可是我只對子愉有非分之想。

兩天前我仍然對感情事一無所知，兩天後搖身一變變成一個情竇初開的中學生。

「都...有啲想。」

「有冇鍾意嘅人？」

「冇...冇啊，我仲咁細個。」

「係呀...」

我當初應該學習勇敢一點

子愉得知我現在沒有喜歡的人，眼珠不規則地移動了幾秒鐘，又放鬆下來。

「妳問我我又問返妳㗎啦，妳有冇鍾意過一個人？」

「嗯...可能真係有...」她認真思考了一會。

「唔係呀嘛。」我心想。

「我哋相處時間唔耐，所以我都唔知。」她聳聳肩。

我心裡頓時洐生一種挫敗感。

「哇！」我們顧著說話，子愉手中的雪糕因為炎夏的關係表面已溶化，有兩三滴雪糕滴在子愉手背上。

「唔緊要，我帶咗紙巾。」我預計有類似情況發生，真慶幸自己有提前準備。

「咁你快啲幫我抹咗佢啦。」

我右手托著她手掌，左手用紙巾輕輕擦去雪糕污漬。

好軟好滑的手掌

第一次和子愉有身體接觸，我居然像個變態想繼續，不捨得放手。

「喂！你做咩呆曬咁抹啊，一早乾淨晒啦。」

「我有潔癖。」

「扮嘢啦你，掛住抽水。」

「做咩成日拆穿我啫，搞到我真係好蠢咁。」

「抽我水仲好意思講，哼。」

子愉突然一掌打落我手上，以示不滿。

「嬲完，行啦。」她拉著我的手腕走到一間飾物小店。

「幫我楝啲嘢啦，成日呆曬咁望住我。」明明是我約子愉，她卻一步步勾走我盡力穩守的思緒和魂珀，使唔使我目不轉睛。

第一天開學時她很文靜，不苟言笑、充滿神秘感，引發我去進一步了解邱子愉這個人。第二天她保留昨日的嫻靜，加入開朗調皮的元素，配上令我神魂顛倒的笑容。

從現在開始子愉是主，我是客。

已經走不出她的掌心

「哦...係，我幫妳揀。」我開始細心挑選，腦補各種她戴上飾物的畫面，看看那個最適合。

「就呢個啦！」我買下一條四葉草手繩，為她戴上。

「做咩呀？我諗住自己買㗎。」

「唔好理啦，鍾唔鍾意？」

「鍾意...」

https://www.instagram.com/void_inheart/