《嗰晚，女神竟然攻擊我嘅Coin Master村莊》: 竟｜unexpected
(…)
歸家路上，我在回想今天發生的事情，心想進展應該不錯吧，最少我們還有很多機會可以見面，我想應該是吧…
那晚，我們依舊聊天，只是我心底內卻冒起了一份莫名奇妙的想法，那是一個幸福的盼望。
「係呢，你聽日係咪唔使上堂？☺️」嘉盈問。
我想，她這樣問，應是有事想我幫忙？那麼就讓明天的走堂來得更有意義。
「係啊，做咩？☺️」我說。
「冇啊，我有個friend有啲感情煩惱，想搵埋你同我一齊同佢傾咋嘛🤣」她說。
竟然是要見她的朋友...
「都可以啊，幾點啊？」我問。
「晏就咋嘛😌我問吓佢想幾點同邊到食先☺️」她說。
「好！」我說。
然後，我立即致電我的戀愛顧問，啊宜。
啊宜是我的中學同學兼好友，相識多年，曾幫我解決了不少感情煩惱。
「嘩，軒少，潛咗水咁耐，做咩咁好死搵我？」啊宜剛開口就直接攻撃我。
「搵你就梗係有嘢！」我也不甘示弱。
「今次又邊位女仔煩到軒少～」啊宜笑說。
「唉，我都唔想…」我歎氣。
然後就將個嘉盈的相處一五一十的告訴啊宜，過程中她沒有作聲，因為我知道理性的她會放在最後一次過幫我分析。
「咁睇，佢對你好似只係朋友…」啊宜說。
「吓…」是我想太多了嗎？
「感覺上佢同你相處好舒服，但如果講想進一步，可能真係要識耐啲先。」啊宜接著說。
「所以你覺得我咩都唔好做？」我問。
「如果你真係要我講嘅話，係！因為其實佢都同你講咗你地係Soulmate，即係佢享受同你做朋友嘅關係，做朋友同做情侶唔同，佢驚失去。」啊宜嘗試幫我分析。
「咁你覺得我改唔改變到同佢soulmate嘅關係？」我問。
「我覺得好難…」啊宜說得坦白。
「只係，我講同埋你做，不嬲都係兩回事～」然後再狠狠的把我心思說穿。
「咁又唔好咁講～」我笑說。
不過不得不說，啊直的確說得很準，因為我已經想好了送一份禮物給嘉盈。
「總之就加油喇，有咩事搵我！」啊宜說。
果然是好兄弟！
「即係你都覺得我追唔到喇，頂你！」我笑說。
「Nonono！做最壞打算姐，正所謂冇期望就冇失望，係咪先！」啊宜笑說。
「同埋可能你下次搵我，係帶埋嘉盈出嚟呢～」她接著說。
我知道啊宜是不想我失去信心，才說得如此婉轉，其實她是不看好我們的。
只是我總改不了這樣固執的個性。
「聽日兩點！醒咗搵你，好眼瞓☺️」嘉盈說。
「好喇😂你唔好唔知醒就得！」我說。
「頂你，試吓比啲信心😝」她回覆。
那晚，我就靜靜的看著過往的對話，然後帶著微笑進入夢鄉。
記得那晚發了一個夢，是我和嘉盈經歷了很多事情，終於到了表白的一刻，而她亦接受了我。而就在我們相吻的一刻，耳邊卻傳在刺耳的手機聆聲…
看著床後的掛鐘，現在才早上九點多，心中暗罵著是誰叫醒了我的美夢，當我拿起手機一看時，整個人都清醒了…
「喂！軒哥！」嘉盈在電話的另一邊大叫。
「咩事？」她的緊張令我整個人都繃緊起來。
「我部MacBook今朝唔知咩事，開唔到機…」嘉盈說。
原來只是電腦開不了…
「你試吓叉住電先，我幫你上網睇吓點搞喇～」我笑說。
「一係你過嚟幫我整？」嘉盈說。
WTF！？尋日才剛說完有機會登堂入室，今天就已經將夢想實現…
「都得，我帶埋部機過嚟喇～」我說。
「好喇，你快啲喇！」嘉盈說。
然後我用最快的速度的出門，在前往的路途上我一直嘗試用不同的方法幫她解決，然而全都失效。
「喂，我係你樓下喇～」我對著電話說。
「你睇Message，Send咗密碼同幾多樓比你～」她說。
「好！」我說。
當升降機門在的面前開啟，就看見穿著運動短褲的她。
「喂，使唔使咁緊張啊？」我笑說。
「頂你，我份Proposal係入面啊！」她說得緊張。
「再做過囉～」我說。
「你幫我做！」她邊說邊拍打我的胸口。
「部機呢？」我說。
「屋入面～」她說。
當時，整個客廳滿瀰漫著夏日早上寂靜的氛圍，然後…
「你屋企人係房？」我問。
「唔係啊，佢地去哂返工啊～」嘉盈說得輕鬆。
WT!?
即是，在這個八百多呎的屋子裡，只餘下我和她…
其實試過很多 其實信過因果 還是我沒有學過享受愛情 想你來揮霍 一直等一種感覺 今天終於有點狂 不想正常 心花正怒放 春風給我按摩 彷彿有滿天櫻花抱起我 街燈使我發光 彷彿千百串煙花慶祝我 不必想到太多 只知道你的天花也親我 不必給我太多 將千百紮心花送給我 － 心花怒放
歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！
P.S. 更新情況睇進度，應該會每日更新，除咗星期六日，聽日見！