《嗰晚，女神竟然攻擊我嘅Coin Master村莊》: 然｜however
(…)
即是，在這個八百多呎的屋子裡，只餘下我和她…
看著她那條短得可憐的棉褲，此情此景引起了我的無限暇想，不過至少那天沒有發生你們幻想中的那些情節。
我和她就這樣靜靜的坐在她家的客廳梳發，努力嘗試將她的MacBook救回！
十五分鐘後…
「嘩，你好勁啊！」嘉盈說。
「應該係因為更新問題，我都係睇上網啲人講～」我笑說。
然後將那部MacBook遞給了她。
「等我睇吓個File重係唔係到先～」她說。
「理論上，就唔會冇咗！你睇住先，想借你個洗手間用一用！」我說。
「好啊～你係走廊行入去啊！」她說。
「好！」我說。
她家的設計比較簡約，沒有什麼令人驚艷的位置，是那種平凡之中帶點溫馨的感覺。看著走廊的數個木門，不知道那一間才是她的房間，當然我亦沒有求證。
「點啊，搵到？」我回到客廳
「搵到啊！唔該哂你～」她說。
然後我就坐回她的身旁，情境有點尷尬。
「係呢…」
「不如…」
我和她又再一次同步，似乎大家都不想這個氣氛繼續下去。
「你講先～」嘉盈禮貌的說。
「冇，想話你間屋幾靚～」我笑說。
「舒服囉～我間房靚啲！」她笑說。
「係咩～咁要參觀下喇！」我說。
「講笑咋，冇咩特別，咪又係咁～」她說。
「睇吓都好～」我說。
「都得～」她說。
看著她慢慢打開走廊的一扇木門，這樣一來我就不用再作幻想。看著她以粉色為主色調的房間，是一個典型女生的房間。
「哎啊！好亂啊！我未執嘢啊～」她說得尷尬。
「唔係啊～都幾整齊！」我說。
事實，她的房間算是比較整潔的，至少看得出是會定期執拾的。
「傻喇～不過你好彩！唔係個個都可以入到嚟～」她笑說
「唔係個個都可以入到嚟？咁係咪即係代表佢比緊機會我？」我心想。
「咁咩人先入到？」我笑說。
「唔知呢～」她說得模稜兩可。
「出去喇～我啱啱話想睇套戲，依家再唔睇就趕唔切！」她接著說。
然後我就依依不捨的步回客廳，同時在想會否有一天可以用另一個身分走進她的房間。
接下來她播了一套動作電影，片名都不太記得，只知道我和她談笑風生之際，片尾就慢慢升起。
「嘩，成點幾喇！」她說。
「係喎，依家再唔出去就遲！」我說。
然後我們便草草收拾好東西，然後飛快的到附近坐車。一路上她不斷分享她朋友的感情煩惱，讓我基本有一個概念。
「喂，你地兩個好喇吓！一唱一和咁～」她的朋友啊童笑說。
「最緊要幫到你姐～」我笑說。
「咪係，我地又唔係特登夾埋嘅！」嘉盈附和。
「冇錯，當係意見參考下囉～」我又接回嘉盈的上一句。
「頂你地啊，唔講真係以為你地一齊咗～」啊童笑說。
聽到這一句，我緊張得看著嘉盈的反應，只見她...
「唔係喇～」她輕鬆帶過。
但我卻整晚都在沉醉在她朋友的那句話之中。
「喂，軒少，咁夜返又嘴角含香咁，你同咗嘉盈出Pool啊？」啊生問。
「唔係喇，邊有咁快～」我說。
不過，我覺得和她的從相識走到現在，的確比想像中快了很多。
「死仔，今日九點堂尋晚都唔返，重唔係陪佢？」啊生說。
「咁都唔代表我同佢一齊咗㗎嘛～」我笑說。
「咦，睇嚟有故仔聽喎～」啊生想吃花生的眼神又再出現了。
「冇啊～」我說。
「講喇！屌你！」啊生追問。
然後我就將和她這兩天的相處告訴了啊生。
「頂你！唔聲唔聲，行得咁快，重話佛系喎！」啊生說。
「好快咩？」我問。
「重唔快？佢一個人係屋企都敢叫你上去，重要比你入埋佢房，如果佢對你冇嘢我就真係唔信！」啊生說得頭頭是道。
但我想起啊宜和我說的那番說話。
「咁你覺得我改唔改變到同佢soulmate嘅關係？」
「我覺得好難…」
但今天的經歷，又好像是真的在給我機會…
那天晚上，我久久不能入眠，因為我在想著如何可以改變我和她的關係，從Soulmate到情侶…
然後…
「喂軒哥🤣」嘉盈傳來了一個訊息。
「你唔係瞓咗喇咩？😏」我回覆。
「係啊，比我媽嘈醒咗！😭」她說。
「做咩冇喇喇嘈醒你？」我問。
「佢話係梳發搵到隻usb，我估應該係你😂」她說。
我立刻翻查我的電腦袋，果然有一隻usb不見了。
「係我㗎😣」我說。
「唔理，你搞到我比人嘈醒咗，你諗下點補償喇😤」她說。
「吓😭」我說。
然後，我又差不多用了一整晚的時間，想著可以如何補償她。
和期待後天的到來。
似有種感情即將傾瀉觸發到山崩 可能 跨出半步會特別敏感 可能 保守秘密更情難自禁 拉鋸互撼 兇猛卻窩心 激情 握於手裡感覺更逼真 友情 恐怕面臨極強烈震撼 翻騰 身體裡面有洪流被困 雙方交纏 是這麼驚心 也同樣很興奮 － 戀人未滿
歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！
P.S. 更新情況睇進度，應該會每日更新，除咗星期六日，聽日見！