《嗰晚，女神竟然攻擊我嘅Coin Master村莊》: 神｜god

(…)
 
「做咩先，聽日我Free啊😏」來自嘉盈的回覆。
 
「死仔，得米喇你！」偷看到嘉盈的回覆，啊生在我身旁叫囂。
 
「朋友都可以出嚟行街嘅～」我說。
 
但口裡說不，心裡卻很誠實。
 




「唔通佢真係對我有啲意思？」
 
「我係咪應該試吓？」
 
「聽日又應該做咩好？」
 
諸如此類的問題從心底冒起，似乎亦提示著我對她不再只是朋友。
 
「冇啊😝出去旺角行吓街？」我問
 




「喂！不如陪我睇戲😳？」嘉盈下一秒就回覆我。
 
「WTF!?佢竟然主動約我睇戲！」
 
簡單的一句就讓我原來混亂的心更加翻騰，不過曖昧就是這樣的吧，美好卻又令人折磨。
 
只是，我想我們是曖昧吧？
 
「好啊，你想睇咩啊？」我問。
 




「Frozen☺️我見到聽日朗豪坊重有場！」她說。
 
「Let it go, Let it go～」
 
那首膾炙人口的主題曲，我現在還記得。
 
「唱咩啊白痴仔，入場喇！」嘉盈邊說邊拉著我入場。
 
「使唔使買啲嘢入去食？」我說。
 
「唔使喇！出嚟先食！」然後我和她就走進那間現在已經不存在的電影院。
 
才剛坐下，我們又開始聊天，但見戲院漸漸滿座，我和她便愈坐愈近，生怕聲音騷擾到別人，最後接近得頭貼頭。你們或許不知道的是，當時的我多想把中間那條不能抬起的手柄拆走。
 
然後我們就保持著這個姿勢，看完了這一百零二分鐘。




 
「嘩，痴線㗎套戲！勁感動囉！」嘉盈興奮的和我分享。
 
「啱啱我真係以為Anna會死，嗰吓真係喊到我呢！」她接著說。
 
「係感動嘅！但未誇張到喊囉～」我笑說。
 
「你啊，都冇啲童真嘅！」嘉盈說。
 
「童真就梗係要去奇妙的國度搵喇！」我笑說。
 
「Disneyland！我勁耐冇去過喇～」嘉盈說。
 
「搵日一齊去囉～」我說。
 




「好啊！」她雀躍得很。
 
然後我們就隨便在朗豪坊找了一間日式食店用餐。
 
「係呢，陣間你諗住行咩？」嘉盈問。
 
「諗住睇吓衫咁咋，有冇咩建議？」我說。
 
「行朱古力？」她說。
 
「好啊～」我說。
 
只記得她還真的頗喜歡這個牌子，當時的設計確是不錯，當時。
 
逛到六點多的時候，我們已各自拿著幾個紙袋，裝的都是剛才的戰利品。




 
「係呢，陣間你想食咩？」我問。
 
「吓…」嘉盈帶點驚訝的說。
 
「Sorry啊，我以為淨係晏就陪你咋，因為陣間我要同屋企人食飯啊…」她接著說。
 
「哦…唔緊要喇～我自己搞掂！」我笑說。
 
雖然內心的確有點失落。
 
「我下次陪返你食啊～Sorry！」嘉盈說。
 
「又好姐！我要食好嘢㗎～」我說。
 




「你話事喇！」她說。
 
「係呢，你住邊？」我問。
 
「沙田～」她說。
 
原來她跟我一樣，住在同一區。
 
「咁啱喇，我同你搭車返咗去先～」我說。
 
「吓，你唔係返Hall咩？」她問。
 
「唔喇，聽日都冇堂，順便返屋企攞啲嘢～」我說。
 
其實明早九點要上堂，但為了送她回家，走堂是常識吧。
 
「如果我嚟緊真係要去外國都唔知點算…」她說。
 
或許她想藉著這段時間多點陪家人。
 
「再諗喇，同埋依家有Facetime㗎嘛～」我試著安慰她，和自己。
 
「都啱嘅～係呢，我地搭咩？」她問。
 
「巴士？」我說。
 
「都好，有得坐～」她笑說。
 
也許是走了一整天，她在車上累得睡著了，而我則靜靜的坐在她的身旁，偶爾會在幻想她睡在我膊上的感覺。
 
只可惜，列車即將到站，但剛才幻想的都沒有發生。
 
「我到喇～」她說。
 
「你依到都幾近我屋企～」我笑說。
 
「咁你得閒上嚟坐下囉～」她笑說。
 
我沒有聽錯吧，可以登堂入室？
 
「叮～」
 
「唔講喇，我屋企人問我到邊，我上去先喇，唔該哂你送埋我返嚟～」她說。
 
「痴線咩，講依啲～」我說。
 
歸家路上，我在回想今天發生的事情，心想進展應該不錯吧，最少我們還有很多機會可以見面，我想應該是吧…
 
妳  微笑帶點神秘 從妳眼影觀察起 書店裡迷失  找妳 妳  連蜜會也改期 文字在替我集氣  像故事偶遇妳 擦 過 這手臂
 
妳 暗 笑 四處躲 我 靠 近 妳轉左 請准我  陪伴一起過  同意麼 我 信 愛 有結果 妳 眼 裡 有我麼 謎底解開妳我別怕生疏
 
由這章節貼近我 － 謎之微笑

歡迎大家follow我ig：9.shoots，果邊同連登會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！

P.S. 更新情況睇進度，應該會每日更新，除咗星期六日，可能會改一改更新時間，會係IG公佈，星期一再見！