分手後，遇上你: 一日時間（三 )

「冇，我只係想話比你知道，我唔敢保證我可以比到童話般既生活比你，但係我會比一個幸福温暖既家比你，我唔敢保證自己可以一夜長大，但最少我會為你而去成長，我會改變自己既缺點。我知道呢一刻唔應該講呢啲野，但如果唔講呢啲，我確實諗唔到應該講咩。Jessica，嫁比我得唔得？」
人既一生，唔係順境，就係逆境，而我自己行緊到底係咩境，連我自己都唔知道，但最少我知道，我既運氣，唔差得去邊，「雖然你講既說話冇一句感動到我，但我知道呢啲全部都係出至你真心既，想我講我願意呢三個字，好簡單，答應我一樣野。」又黎料，唔知要答應咩黎，「你講啦！」，Jessica既笑容出番黎啦，「唔好再諗住離開我，如果唔係我了解你，知道你既為人係點，可能我真係會死心，之後離開你。不過好在我清楚你係一個醋王，我一同男仔玩得埋你就會吃醋，所以我先至可以揾人試到你姐。」咩話，我比Jessica陰左，到底邊個係幫兇呢，「請問邊位大人物咁得閒幫你手黎試我丫，講黎聽聽。」媽的，最憎比人陰，既然唔打得Jessica，咁就打個幫兇，哼哼。「個大人物你見過啦，咪係我表哥囉，上次你要郁手打果個丫。」what the fuck!