分手後，遇上你: 一日時間（二 )

「三十六支玫瑰既花語係我心屬於你，無論日後既日子係辛苦定係舒服，我都會將一切最好既野比你。」我將花交左係Jessica手上，我就自己坐底，開始食我準備既晚餐，當然中間都有小小驚喜啦。
我將一隻一卡既鑽戒放左係塊牛排下邊，雖然唔係特別大，但訂個婚應該夠啦，無錯，我今晚係打算同Jessica求婚，雖然我知道我咁樣做係有啲早，不過，真心既野，邊會怕太早嫁。我一路食，一路望住Jessica慢慢咁切到去戎指既附近，我個心就一路跳得愈黎愈快。
當Jessica準備要最後一塊牛排，佢個叉慢慢放落去，我個心跳得愈黎愈勁，好似要跳出黎咁。「咔…………咔咔」「喂喂，點解會咁嫁，你係下邊放左咩丫？」Jessica唔自己睇，反而間番我轉頭，唔通佢知道左啲咩？「自己睇囉，問我都唔話你知，嘻嘻……」Jessica比我串左一串，就唔講野，自己慢慢咁拎開塊牛排，戎指都慢慢咁出現。
「點解會咁既？隻鑽戒你買既？如果係你買，就咁放係到咩意思先？」Jessica提出左佢既疑惑，而我就用我既行動解答佢，我拎住隻戎指，浪漫既音樂都同時上起，我單腳跪下，抬頭望住Jessica既眼睛，慢慢講出我既宣言。